"Артист" музыкалык телешоусунда Аяна Касымованын упайы жетишсиз болгондуктан, ырчы финалга калыстардын чечими менен өттү

Жаш талант Аяна Касымова Орусиянын “Россия 1” телеканалында көрсөтүлүп жаткан “Артист” аталышындагы интерактивдүү музыкалык телешоусунун финалына өттү.

Аталган долбоордун расмий сайты билдиргендей, жарым финалдын жыйынтыгында 9 катышуучу финалга өтүп, сынакта четтетилгендердин арасынан Аянаны калыстар тобу 10-катышуучу катары тандап алышкан.

Маалым болгондой, жарым финалда Аяна "When I was your man" аттуу ырды аткарып, көрүүчүлөрдүн жана калыстар тобунун 82 пайыз добушуна ээ болуп, финалга өтпөй калган.

15 жаштагы Аяна бул долбоордун эң жаш катышуучусу. Ал музыкалык үй-бүлөдөн, атасы Айзар Касымов "Аура" жаз тобунун солисти болсо, апасы Аида Токтосунова Т.Сатылганов атындагы Кыргыз улуттук филармониянын астындагы "Камбаркан" тобунда эмгектенет.