Москвада Токтогул Сатылгановдун 150 жылдыгына арналган кечеде Нурлан Насип, Жоодарбешим, Нурмат Садыров, Элиза Орозова ыр белек сунушту

Ырчы Өмүрзак Кайыпов.

Москвада белгилүү акын-импровизатор Токтогул Сатылгановдун 150 жылдыгына арналган кече өткөрүлдү. Бул тууралуу бүгүн, 28-октябрда КРнын Тышкы иштер министрлигинен билдиришти.

Белгилүү болгондой, иш-чаранын катышуучуларына режиссёр Мухтар Атаналиевдин “Токтогулдун басып өткөн жолу” аталышындагы тасма көрсөтүлүп, кеченин конокторуна Бактыгүл Чотурованын “Токтогулдун кербези” аттуу китеби белекке берилди.

Кече концерттик программа менен коштолуп, көрүүчүлөргө ырчы Өмүрзак Кайыпов комузда кол ойнотуп, Токтогул Сатылгановдун чыгармасын аткарып, обон созду. Андан тышкары эстрада ырчылары Нурлан Насип, Жоодарбешим, Нурмат Садыров, Элиза Орозова ыр белек сунушса, кечеде алып баруучулук милдетти Манас Алыкулов аркалады.

Автор: Динара Абдыкадырова
Фото: Интернеттен алынды