Ош шаарында тил майрамына арналган концерт өтөт

КРнын Өкмөтүнүн Ош облусундагы ыйгарым укуктуу өкүлчүлүгүнүн демилгеси менен бүгүн, 1-декабрда “Мамлекетти бекемдөө мамлекеттик тилден башталат” деген аталышта гала-концерт өтөт. Бул тууралуу КРнын Өкмөтүнүн Ош облусундагы ыйгарым укуктуу өкүлчүлүктүн басма сөз катчысы Шайлообек Козубаев билдирди.

Маалым болгондой, аталган концерт саат 11:00дө С.Ибраимов атындагы Ош улуттук драма театрында өтөт. Концертте ар улуттун өкүлдөрү кыргызча ырларды жана бийлерди аткарышат.

Иш-чарага өкмөттүн Ош облусундагы ыйгарым укуктуу өкүлү Сооронбай Жээнбеков, Билим берүү башкармалыгынын райондук жетекчилери, ЖОЖдордун ректорлору жана тиешелүү жетекчилер катышмакчы.

Автор: Мальвина Уметбекова