Кадамжайдагы мектеп-интернатында Майыптар күнүнө карата майрамдык иш-чара болуп өттү

2014-жылдын 3-декабрында Дүйнөлүк майыптар күнүнө карата Баткен облусунун Кадамжай районуна караштуу Үч-Коргон айыл өкмөтүндөгү мектеп-интернатында майрамдык иш-чара орун алды.

Бул үчүн Кадамжай шаардык кеңешинин депутаты Садыкова Эркайымдын демилгесинин негизинде акча каражаты каралган. Саамалыкта майып балдарга кийим-кече жана майрамдык белектер таратылды.

Белгилей кетсек, Үч-Коргон көмөкчү мектеп-интернатында 141 бала тарбияланса, 58 мугалим жана тарбиячы эмгектенип келет.

Ошондой эле Халмион айыл өкмөтүнүн Айтмат Сабиров мектебине, Кара-Дөбө психикалык жактан жабыр тарткандарды дарылоочу жайга аймактагы демөөрчүлөр тарабынан жардам көрсөтүлдү. Кадамжай району боюнча 2767 ден соолугунун мүмкүнчүлүгү чектелген адам бар.

Автор: Айпери Ганыжан кызы
Фото: Максат Гапаров