"Лондондогу аукциондо 390 миң долларга сатылган зер буюмдар Кыргызстандан мыйзамсыз чыгарылган" дешет Маданият министрлигинен

Буга чейин кыргыз үй-бүлөсүндө бир нече кылымдан бери үй-бүлөлүк мурас катары сакталып келип, жакында Лондондогу "Сотбис" аукционунда 390 миң долларга сатылган зер буюмдар Кыргызстандан мыйзамсыз түрдө чыгарылган. Бул тууралуу бүгүн, 9-декабрда SUPER.KG порталына КРнын Маданият министрлигинин статс-катчысы Марлен Соляной билдирди.

“Лондондо аукциондо сатылып кеткен зер буюмдарды Кыргызстандан чыгарып кетүүгө Маданият министрлиги эч кандай документтерди берген эмес. Бул зер буюмдар маданий мурастарга таандык болгон соң, аны чет жакка алып кетерден мурда биздин министрликтен уруксат алууга тийиш болчу. Чынында, зер буюмдардын ээси Словакияга кетерде ал буюмдардын сүрөтү менен кайрылган экен, бирок аны алып кетүүгө эч кандай уруксат кагаздарын алышкан эмес болчу”,- дейт М.Соляной.

Маалым болгондой, учурда бул ишти иликтөө үчүн Маданият министрлигинде 10го жакын кишиден турган комиссия иш алып барууда.

“Учурда "бул зер буюмдар Бажы кызматынан баалуу эмес деп эсептелип коё берилиши мүмкүн" деген божомолдор болууда. Бул маселе боюнча бир катар иликтөө иштери жүрүүдө. Комиссиянын жүргүзгөн иштеринин жыйынтыгы менен Лондонго нота жиберүүнү пландап жатабыз”,- деп кошумчалады М.Соляной.

Эске салсак, “Үмүткор” аталыштагы зер буюмдары Лондондогу белгилүү "Сотбис" аукционунда 3-декабрь күнү 390 474 долларга сатылган болчу. Ал кыргыз үй-бүлөсүндө бир нече кылымдан бери сакталып келгени маалым.

Автор: Мальвина Уметбекова
Фото: Интернеттен алынды

15:21 09-12-2014

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 379 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 488 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 928 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 841 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 500 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2832 0

Архив

Комментарийлер (11)

KIPCHAK-KALMAK

2014-12-09 15:37:35

Кайтарып алып келип ээсине тапшыргыла

-2

ere

2014-12-09 15:51:45

кылычынды ташка чап эми....

Uli6886

2014-12-09 16:25:08

390 миң долларга сатылып кетиптир деп акчанын суммасын коргондон сон аракетин жасашат, буга чейин эле баалуу мурастардын тизмесинен козомолдоп маалымат алып турса болмокда. Болду эми силерге кайтара турган жинди жок.!

Deesmond

2014-12-09 16:36:44

Тоок тороордо какылдачы эле, бул сапар торогондон кийин какылдап жатат ))))))))

Aitunuk

2014-12-09 18:09:14

Deesmond, макулуктарга карата "төрөйт, төрөбөйт" сөзү колдонулбайт, адамга гана карата колдонулат. Макулуктар "тууйт". Ар бир сөздү стилдик, лексика-семантикалык жактан туура колдонсок. Кыргыз баласына минтип айтуу сыпайылыктын эмес, сабатсыздыктын белгиси болот.

Aitunuk

2014-12-09 18:02:32

Зер буюмдар жеке үй-бүлөнүн менчиги болгондуктан, сатабы, жок кылабы өзү билет. Тарыхый буюм катары аны мамлекет (музей)ушул убакка чейин сатып алышы керек болчу, эми ызы-чуу болушпай.

kamchatka

2014-12-09 18:48:52

Ал бетте озу билет озунун менчиги болгонсон,казанчынын оз эрки кайдан кулак чыгарса!мурда эмне кылып отурдунар эле эми нота жонотмоктон акорд жонотсонорда кайрып бербейт!же 390мин долларды болушойун деп ойлоп таптынарбы?налог толосун дегенсип!

33SUUN

2014-12-09 18:50:54

390минди укканда коздору тостойо тушту да министрлердин,эми налогун эсептеп жатышкандыр.Кызарган нерсени корсом жулуп алам.
-деген созду ушулар чыгарса керек ха-ха.

bema_bema

2014-12-10 06:15:19

Коралбай жатышатт

Light

2014-12-10 12:23:22

маданият министирлиги-оздук мулк деген мыйзам бар.Аукционго койобу башка кылабы мулк ээси озу чечет.Эгер кызыкдар болсо эмнеге алдын ала сатып алган жок маданият министирлиги?

erikkarakulja

2014-12-10 16:37:35

Буга чейин эмне кылып журдунор эле.

Комментарий калтыруу үчүн өз ысымыңыз менен кириңиз же каттоодон өтүңүз.