Жаңы жылга карата балаты орнотуу, шаарды көрктөндүрүү былтыр 2-декабрда башталса, бул иштер быйыл бир аз кечеңдеп, 10-декабрда башталды

Нургазы Аматовдун сүрөтү.

Астанадагы жаңы жылдык балаты.

Бишкекте быйыл Жаңы жылга карата шаарды жасалгалоо иштери өткөн жылдагыга салыштырмалуу кечеңдеп, башкача айтканда, 10-декабрда башталды. Шаарды жарыктар менен кооздоо иштеринин алкагында жаңы жылдык балаты 6 жерге орнотулмакчы. Учурда “Ала-Тоо” аянтында бийиктиги 22 метр келген балаты коюлууда. Ошондой эле А.Малдыбаев атындагы Кыргыз улуттук академиялык опера жана балет театрынын, Улуттук филармониянын алдына, "Сейтек" балдардын чыгармачылык борборунда, Жалдагы Балдарды калыбына келтирүү борбору жана Кароосуз калган балдарды калыпка келтирүү борборунда бийиктиги 5 метрден 15 метрге чейин жеткен балатылар орнотулат. Учурда атайын штаб түзүлүп, иштер жүрүп жатат.

Шаардык мэриядан бүгүн, 12-декабрда билдиришкендей, балатылар 15-декабрдан 21-декабрга чейин толук орнотулуп бүтүп, кооздолмокчу. Ал эми калааны жаңы жылдык маанайга ылайык жарыктандыруу иштери 5-декабрда башталган. Учурда Чүй кең көчөсүндө жайгашкан мамлекеттик жана административдик мекемелердин имараттары кооздолууда.

Салыштыруу үчүн айта кетсек, Москва шаарында жаңы жылдык балаты 18-декабрь күнү орнотулат. Анын бийиктиги 30 метрди түзүп, ал 4,5 миң жарыктандыруучу лампа менен кооздолору айтылууда. Ал эми Казакстандын борбору Астанадагы жаңы жылдык балаты 1-декабрь күнү президент Нурсултан Назарбаевдин катышуусунда күйгүзүлдү. Иш-чарага миңге жакын бала жана шаар тургундары катышты. Астанадагы жаңы жылдык балаты менен бирге Казакстандын аймактарындагы бардык балатылар жандырылат.

Автор: Мальвина Уметбекова
Фото: Нургазы Аматов, айрым сүрөттөр интернеттен алынды

20:16 12-12-2014

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 379 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 488 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 928 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 841 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 500 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2832 0

Архив

Комментарийлер (2)

zamir.79

2014-12-12 23:32:15

Азыркы мэрдин эмне иш кылып атканы белгисиз го. Же балаты жасалбаса, же ачылат деген жолу ачылбаса, же жолдогу карлар тазаланбаса. Олуу тируусу билинбейт дегендей болбой кыймылдабайбы.

Nur45

2014-12-13 00:56:55

E emi jakwyna kursynda qolkany. Bultyrda kulap tywup it boldy ele. OOshto emne bolor eken M.Murzaxmatov ketip bultyrkydai bolboit tochna bilem.

Комментарий калтыруу үчүн өз ысымыңыз менен кириңиз же каттоодон өтүңүз.