Жаңы жылда фейерверк аттырылган соң Бишкектеги автобустар жана троллейбустар жарандарды конуштарга жеткирет

Жаңы жылда Бишкек шаарынын коомдук транспорту кадимки режимде иш алып барат. Бул тууралуу бүгүн, 16-декабрда борбор калаанын мэриясынын басма сөз кызматы билдирди.

Маалыматка ылайык, 2014-жылдын 31-декабрынан 2015-жылдын 1-январына караган түнү саат 00:00дөн тарта муниципалдык автобустар жарандарды "Ала-Тоо" аянтынан конуштарга жеткире баштайт. Бул түнү жарандар төмөнкү даректерге жете алышат:

1. "Ала-Тоо" аянты – 12-кичи район, Асанбай кичи району;

2. "Ала-Тоо" аянты – Ала-Тоо конушу;

3. "Ала-Тоо" аянты – Тынчтык конушу;

4. "Ала-Тоо" аянты – Ак-Босого конушу;

5. "Ала-Тоо" аянты – Туңгуч кичи району;

6. "Ала-Тоо" аянты – "Аламүдүн-1" кичи району.

Ал эми троллейбустар №4, №10, №7 жана №9-маршруттар менен каттайт.

Автор: Нургазы Аматов
Фото: Интернеттен алынган