Укук коргоочу муфтияттын башкы эсепчисинин жумуштан кетишин талап кылды

Кыргызстан мусулмандар дин башкармалыгынын башкы эсепчиси жумуштан кетиши керек. Бул тууралуу бүгүн, 16-декабрь күнү маалымат жыйыны учурунда Качкын Булатов билдирди.

Анын айтымында, аталган башкармалыктын башкы эсепчиси Жеңишбай Бекиев “Кыргызгазда” иштеп жүргөндө пара алып жаткан жеринен кармалган. Ош шаардык соту ага 3 эсе айып салган.

“Бул адам муфтиятта иштебеши керек. Ушундай адам иштесе, алар кантип руханий дүйнөнүн тазалыгы үчүн күрөшө алышат? Ачыктык жок, миллиондор кыскартылып жатат”,- деди Булатов.

Автор: Бекжан Рыскулов