Баткендеги "Айкөл" чек ара тозотундагы окуяга байланыштуу күнөөлүү жетекчилер кызматтарынан бошотулушту

Баткен облусундагы "Айкөл" чек ара тозотундагы окуя боюнча ички кызматтык тергөө амалдарынын жыйынтыгынын негизинде күнөөлүүлөргө чара көрүлдү. Бул тууралуу бүгүн, 26-январда КРнын Чек ара кызматынын басма сөз кызматы билдирди.

Маалыматка ылайык, жеке курамды начар көзөмөлдөө, чек ара түзүмдөрүнүн аскердик кызматындагы жардамды начар уюштуруу, кырсыктардын алдын албоо жана жекече тарбиялоо иштеринин жоктугунан улам Лейлек чек ара тозотунун башчысы, тарбия иштери боюнча бөлүмүнүн башчысынын орун басары кызматтарынан бошотулушту. Мындан тышкары Баткен облусу боюнча Чек ара кызматынын башкармалыгынын 4 офицери жана Чек ара кызматынын борбордук аппаратынын жогорку деңгээлдеги 4 кызматкерине тартипке чакыруу чарасы көрүлдү.

КРнын Чек ара кызматынын башчысы Р.Дүйшөнбиев "Айкөл" чек ара тозотунун жеке курамын толугу менен алмаштыруу чечимине келип, 25-январда бул максатын ишке ашырды. Аталган тозотто кызмат өтөгөн аскер кызматкерлери башка чек ара тозотторуна жөнөтүлүштү.

Эскерте кетсек, 16-январь күнү саат 22:50 чамасында Лейлектеги чек ара кошуунунун “Айкөл” чек ара тозотунда атылган октон зардал каза таап, эки чек арачы жарадар болгон. Кол салуунун бети ачылып, кызмат өтөгөн жоокер ок чыгаргандыгын моюнуна алган.

Автор: Нургазы Аматов

09:32 26-01-2015

Жазылуу

РУБРИКАДАГЫ СОҢКУ КАБАРЛАР

21:29 2025-05-15 | Саясат

Кызматын алмаштырган Бекболотовдун министрлик ордунун милдетин орун басары аткарат 78 0

21:13 2025-05-15 | Саясат

Сүйүнбек Касмамбетовдун ордуна Марат Иманкулов келди 233 0

20:42 2025-05-15 | Саясат

Кыргыз-түрк экономикалык кызматташтыгы талкууланды 132 0

20:21 2025-05-15 | Коом жана турмуш

Министр Ажикеев Ак-Талаадагы жер титирөөдөн жабыркагандардан кабар алды 234 0

19:49 2025-05-15 | Түркүн дүйнө

Түркияда катуу жер титирөө болду. Зеленский ал жакта 1030 0

19:30 2025-05-15 | Коом жана турмуш

Садыр Жапаров УКМК кармаган акимди кызматынан алды 1486 0

Архив

Комментарийлер (2)

Rifle

2015-01-26 10:26:06

Эмне себептен болду ?
свидетель жок болсун деп аттыбы же дед.общинабы ?

admin_superstan

2015-01-26 10:33:34

Rifle, саламатсызбы!
Жоопту төмөнкү шилтемедеги кабардан окуй аласыз:
http://www.super.kg/kabar/news/96706/
Лейлек районунун тургуну билдирүүсү боюнча, тозотто келишимдик негизде кызмат өтөгөн жоокер жергиликтүү тургун менен 50 миң сомго мелдеше кетип, чек ара тозотунун зардалын атып салган. Шектүү чачма октуу мылтык менен аткандыктан, октун чачырандылары эки чек арачыга да тийген.

Комментарий калтыруу үчүн өз ысымыңыз менен кириңиз же каттоодон өтүңүз.