Былтыр өлкө аймагында 47 миңден ашуун адам аты-жөнүн өзгөрткөн

2014-жылы өлкө аймагында 47 263 адам аты-жөнүн өзгөрткөн. Бул тууралуу бүгүн, 30-январда SUPER.KG порталына Мамлекеттик каттоо кызматынын басма сөз кызматынын башкы адиси Эльзат Кыдырмышева билдирди.

"Бишкек шаарында 3855 адам, Чүй облусунда 4758, Ош шаарында 1660, Ош облусунда 11791, Баткен облусунда 4310, Жалал-Абад облусунда 9769, Талас облусунда 2794, Нарын облусунда 3073 жана Ысык-Көл облусунда 5253 адам аты-жөнүн өзгөрткөн",- дейт Э.Кыдырмышева.

Маалыматка ылайык, 2013-жылы өлкө аймагында 44 423 адам аты-жөнүн өзгөрткөн болчу. 2014-жылы аты-жөнүн өзгөрткөндөрдүн саны 2013-жылга салыштырмалуу 2840 адамга көп катталган.

Автор: Мальвина Уметбекова