Бишкекте Михаил Фрунзенин 130 жылдыгына арналган көргөзмө ачылды (фото)

М.В.Фрунзенин үй-музейинин улук илимий кызматкери Касиет Тилекматова.

М.В.Фрунзенин үй-музейинин архитектору Кутателадзе Геннадий.

М.В.Фрунзенин көз айнеги.

М.В.Фрунзенин кол кабы.

М.В.Фрунзенин ичиги.

Көргөзмөгө коюлган эмгектер.

М.В.Фрунзе жаткан бешик.

М.В.Фрунзе жашаган үй.

М.В.Фрунзенин үй-музейи.

Бүгүн, 2-февралда Бишкекте Коммунисттик партия менен Советтер Союзунун көрүнүктүү ишмери, Советтик Армиянын аскер башчысы Михаил Фрунзенин 130 жылдык мааракесине арналган “М.В.Фрунзенин элеси көркөм искусство менен” деген аталыштагы сүрөт көргөзмөсүнүн бет ачары болду. Көргөзмө Кыргыз мамлекеттик М.В.Фрунзе үй-музейинде орун алды. Ага тайманбас революционер, легендарлуу аскер башчынын жашоо-турмушун, ишмердүүлүгүн чагылдырган А.Любимов, А.Игнатьев, Д.Флекман, В.Тюрин, А.Торопов, С.Акылбеков, А.Усубалиев жана башкалардын эмгектери коюлду. Иш-чарага аталган үй-музейдин архитектору Геннадий Кутателадзе, тарыхчылар, окуучулар, аскер окуу жайынын курсанттары катышты. Ошондой эле музей кызматкерлери келген конокторду музей менен тааныштырышты.

Михаил Фрунзе 1885-жылы Пишпек шаарында (азыркы Бишкек) фельдшердин үй-бүлөсүндө жарык дүйнөгө келген. 1896-жылы 7 жашында Верныйдагы эркектер гимназиясына тапшырып, аны алтын медаль менен аяктаган. 1904-жылы Петербургдагы Политехникалык институттун экономика факультетинде окуп жүрүп революциялык иштерге аралашкан. Бир нече жолу революциялык иштери үчүн камакка алынган. Октябрь революциясынан кийин, Жарандык согуш мезгилинде Чыгыш фронтун, Түркстан, Түштүк фронтторун жетектеген. 1924-жылы СССРдин Аскер жана деңиз министри болуп дайындалган. 1925-жылы операция учурунда каза тапкан.

Автор: Динара Абдыкадырова
Фото: Динара Абдыкадырова