Жоомарт Оторбаев юстиция министрлигине Жылдыз Мамбеталиеванын талапкерлигин парламентке сунуштады

Жылдыз Мамбеталиева

Премьер-министр Жоомарт Оторбаев Кыргызстандын юстиция министри кызматына Жылдыз Мамбеталиеванын талапкерлигин сунуштады. Сунуш Жогорку Кеңешке киргизилгенин өкмөттүн басма сөз кызматы бүгүн, 10-февралда кабарлады. Эскерте кетсек, аталган министрликти буга чейин жетектеп келген Алмамбет Шыкмаматов өз каалоосу менен арыз жазганына байланыштуу бүгүн кызматтан бошотулду.

Жылдыз Мамбеталиева

Туулган жылы - 1971-жыл, 26-январь.

Туулган жери - Бишкек шаары.

Улуту - кыргыз.

Билими - жогорку, адистиги - укук таануу.

Билген тилдери - кыргыз, орус, англис.

Акыркы мезгилде иштеген кызматтары:

2005-2008-жылдары Кыргызстандын өкмөтүнүн аппаратында Укуктук камсыз кылуу жана кадрлар кызматы бөлүмүнүн башчысынын орун басары, 2008-жылдан бери юстиция министринин орун басары болуп иштейт.

Автор: Автандил Добулбеков