Ахматбек Келдибеков Кыргызстанга кайтып келди

Жогорку Кеңештин депутаты Ахматбек Келдибеков Кыргызстанга кайтып келди. Бул тууралуу SUPER.KG порталына анын адвокаты Татьяна Чильникина билдирди. Айтымында, депутат өлкөгө 10-февралда учуп келген. Келдибеков учурда Бишкекте, ден соолугу жакшы экени айтылды. "Ахматбек Келдибеков журналисттерге маалымат жыйын уюштурууну пландаган жок. Жакында соттук отурумдар башталат, ошого даярданууда",- деди адвокат.

Эскерте кетсек, Келдибеков "коррупция" жана "кызмат абалынан кыянаттык менен пайдалануу" беренелери боюнча айыпталып, 2013-жылдын күз мезгилинде камакка алынган эле. Былтыр август айында ден соолугуна байланыштуу чет өлкөгө дарыланууга кеткен.

Автор: Нургазы Аматов