Аида Салянова: "Күйөөсүн коргош үчүн министр болду" дешпесин деп, юстиция министри кызматынан баш тарттым"

"Президент мага Кыргызстандан жана чет өлкөдөн бир катар мамлекеттик кызматтарды сунуштады, бирок мен сунуштун баарынан баш тарттым",- деди бүгүн, 11-февралда маалымат жыйынында мурунку башкы прокурор Аида Салянова. Анын айтымында, мындай чечим кабыл алууга ошол учурдагы кырдаал себеп болду. "Андан кийин Өмүрбек Текебаев мага юстиция министри кызматын сунуштады. Менин оппоненттерим "күйөөсүн коргош үчүн Юстиция министрлигин жетектей калды" деп ойлошпосун деп, буга да макул болгон жокмун",- деди мурунку башкы прокурор.