Өмүрбек Текебаев: "Кумтөр" маселесинде кыргыз мамлекети өз кызыкчылыгын уттуруп жатат"

17-июнда КРнын Жогорку Кеңешинин 71 депутаты Кыргыз Республикасынын Өкмөтү даярдап келген "КРнын Суу кодексине толуктоолорду киргизүү жөнүндө" мыйзамдын долбооруна 1-окууда "макул" деп добуш берди. Депутаттар добуш берүү менен "Кумтөр" кениндеги Давыдов мөңгүсүн жылдыруу аркылуу алтын кенин чапчып ачык казууга шарт түзүп, мыйзамдаштырып беришти.

"Ата Мекен" фракциясынын лидери Өмүрбек Текебаев бул маселе боюнча өз оюн төмөндөгүчө билдирди: "Кумтөр" маселесинде өлкөбүз өз кызыкчылыгын уттуруп жатат. Кечээ дагы депутаттар Давыдов мөңгүсүн талкалап алганга уруксат беришти. Кыргыз жерин чет элдик компаниялар башкарып жаткан шартта "Жер-Үй" алтын кенин иштетүүнү баштап жиберүү - бул тобокелчилик жана жоопкерсиздик. Ошондуктан "Кумтөр" маселеси кыргыз өлкөсүнүн кызыкчылыгына адилеттүү чечилмейин, "Жер-Үй" алтын кенин иштетүүгө каршымын!"- деди эл өкүлү.

Мыйзам долбоорунун биринчи окуудан өтүшүнө "Ата Мекен" фракциясынын депутаттары толугу менен, башка фракциялардын кээ бир депутаттары кошулганда 33 депутат "каршы" деп добуш берди.

Эскерте кетсек, "Ата Мекен" фракциясы өзүнүн ушул жылдын 22-майындагы жыйынында аталган мыйзам долбоорун Жогорку Кеңештин кароосуна киргизбөө сунушун билдирген. Ошол жыйындын жүрүшүндө "Кумтөрдө" буга чейин 77 миллион куб метр мөңгү талкаланганы, азыр дагы 18 миллион куб метр мөңгүнү талкалоо долбоору иштелип чыккандыгы белгилүү болгон.

жаңыланды 11:56 19-06-2015
кошулду 21:15 18-06-2015

Жазылуу

РУБРИКАДАГЫ СОҢКУ КАБАРЛАР

21:37 2024-05-15 | Спорт

"Фаворит жок". Эрназар Акматалиевдин Олимпиададагы атаандаштары кимдер? (тизме) 111 0

21:08 2024-05-15 | Түркүн дүйнө

"Робо, бери келсең". Словакиянын премьер-министрин аткан адамдын өздүгү аныкталды 530 0

20:38 2024-05-15 | Спорт

"Газону "Уэмбли", "Альянц-Аренаныкындай". Жалал-Абаддагы "Курманбек" стадиону оңдоодон кийин ачылды (видео) 580 0

20:11 2024-05-15 | Коом жана турмуш

Мэрия Бишкек ЖЭБине 66 миң сом айып салды 184 0

19:39 2024-05-15 | Түркүн дүйнө

Словакиянын премьер-министрин жыйындан чыгып баратканда атып кетишти (видео) 1942 0

19:06 2024-05-15 | Саясаттагы соттук иштер

БШК Бишкектин экс-мэри Абдыкадыровдун арызын канааттандырган чечимге каршы Жогорку сотко кайрылды 489 0

Архив

Комментарийлер (8)

mamaidingory

2015-06-18 15:32:12

текебаев тура айтат кыргыздар оздору иштете турган убакыт келип эле калды неге башкалар казып алышат

tolkun9090

2015-06-18 15:38:38

Ушул кишини аябай сыйлайм

BiTiSHKa

2015-06-18 15:53:04

Биздин ата-бабалал кол тийгизбей бизге калтырган кол тийгис монгулорду, мынтип алардын урпактары талкалап жаткандыгын бабаларыбыздын арбагы сезип, куурулуп жатышса керек. Чет олколордун айтканын, айткандай аткарган эл башчылары, шатыратып колун которгон 71 депутаттар аман болсун! Текебаев айткандай "Кумтор" маселесин толук чечмейин "Жер-Уйду" иштетууго бербоо керек. Болот Шер которгон "Цианидсиз Кыргызстан!" демилгесин баарыбыз колдоо керек. Муундарга таза Кыргызстан керек. Алга Текебаев!

Akmosha

2015-06-19 00:50:02

Кеч болелекте катуу киришсенер жакшы болмок,баардык баалуу жерлер тугонгону калды окшойт.

BiTiSHKa

2015-06-19 09:46:04

Akmosha,Убагында которулуп жатат. Кумтор болоорунча болду окшойт, калган кендерди, экологияны сактап калыш учун абдан коп иш жасоо керек. Так что кеч эмес досум

Bors

2015-06-19 12:43:16

71 депутат оз кызыкчылыгын ойлоп атата аларга мекен керек эмес аларга акча бийлик кана керек биз о дейбиз бу дейбиз эч нерсе чече албайбыз оо жогоруда отурган эшек минерлер чечет баарын. Текебаевтин тиши отпой ататко биз жон эле ичтен сыздайбыз.

aash

2015-06-19 21:55:48

Омурбек байке сыйлайм, жакшы саясатчы. Бирок ушул Кумтор боюнча такыр иш журбой койду го, соз гана болуп.

-1

marik10

2015-06-21 21:53:46

силердин оюндарынар учун кыргыз эл оз кызыкчылыгын уттуруп жатат,мындай пикирге кандай карайсынар?

Комментарий калтыруу үчүн өз ысымыңыз менен кириңиз же каттоодон өтүңүз.