Социалдык тармактарда Кыргызстандын жана Йемендин U-17 футболчуларынын ортосунда массалык мушташ болгону тууралуу видео тараган.
Бишкек шаардык милициясынын маалыматына ылайык, бул маалымат чындыкка дал келбейт. Футболчулардын ортосунда кыска убакытка созулган жаңжал чыгып, бирок эч ким жабыркаган эмес.
Окуя болгон жерде жүргөн милиция кызматкерлери кырдаалга ыкчам кийлигишип, жаңжалды токтотушкан.
Милиция жарандарды жана жалпыга маалымдоо каражаттарын такталбаган маалыматтарды таратпоого чакырды.