Наталья Никитенко: "Улуттук онкология борборунда азыр абал оор"

Жогорку Кеңештин бүгүнкү отурумунда депутаттар Улуттук онкология борборуна байланышкан Ташполот Балтабаевдин мыйзам долбоорун дагы талкуулашты.

Ташполот Балтабаевдин айтымында, мыйзам долбоору 2000-жылы эле кабыл алынып, ал боюнча оор формадагы онкологиялык ооруларды дарылоо мамлекет тарабынан акысыз жүргүзүлүшү керек болчу. Тилекке каршы, иш жүзүндө андай эмес. Талкуунун жүрүшүндө эл өкүлү Наталья Никитенко чыгып сөз алды.

"Биз Улуттук онкология борборунун онкологиялык ооруларды натыйжалуу дарылоодогу негизги милдеттерин так аткарууга азырынча жетише албайбыз. Анткени аталган дарылоочу жайда заманбап жабдуулар жана лаборатория жок. Натыйжада ооруп жаткан бардык сыркоолор өмүрүн жок дегенде бир азга улантуу үчүн акча төлөөгө мажбур болушат",- деди Н.Никитенко.

Ал эми өкмөт болсо онкологиялык ооруларга жардам берип жаткан медуюмдарды Бирдиктүү төлөөчү системине киргизүүнү сунуштап жатат. Ошондо бюджеттин абалына карап ким акысыз жана кимдер чыгымдын жарымын төлөп дарыланат деген сыяктуу маселелер оңой чечилерин белгилешет.

"Биз жылына онкологиялык ооруларга 3 миллиард сом таба албайбыз. Ошондуктан оорулуулардын абалын жеңилдетиш үчүн аларга паллиативдик жардам берүү жолдорун издеп жатабыз. Бул мыйзам долбоору дал ошол максаттар үчүн иштелип чыккан",- дейт мыйзам долбоорунун автору Ташполот Балтабаев.

Отурумдун жүрүшүндө Улуттук онкология борборуна зарыл жабдууларды сатып алуу, калктын аярлуу катмарын акысыз дарылоо жагы тыкыр көзөмөлгө алынышы керектиги депутаттар тарабынан айтылды. Адамдар акчасынын жоктугунан каза болуп калышпасын дешти алар.

17:19 25-06-2015

Жазылуу

РУБРИКАДАГЫ СОҢКУ КАБАРЛАР

12:55 2025-04-30 | Саясат

Камила Талиева министр Жамангуловго "эки" деген баа койду (видео) 45 0

12:30 2025-04-30 | Кылмыштар, кырсыктар

ИИМ окуучулардын дааратканада сабалышы Казакстанда болгонун билдирди 204 0

12:20 2025-04-30 | Коом жана турмуш

Эскертүү! Боомдо таш кулатуу иштери жүргүзүлөт. Качан? 86 0

12:00 2025-04-30 | Саясат

Жылдыз Садырбаева парламенттин вице-спикерлигине шайланды (видео) 320 0

11:52 2025-04-30 | Коом жана турмуш

Автобуста орун бошоткон кызга рахмат айтып, комуз менен ырдаган кишинин видеосу тарады (видео) 476 0

11:49 2025-04-30 | Бизнес-Инфо

iPhone популярдуу моделдери пайдалуу баа менен — сиздин шаарда! 154 0

Архив

Комментарийлер (4)

Anarbek2015

2015-06-24 23:45:12

Депутаттар айткан сон ишти аягына чейин чыгарса жакшы болот эле,айтып кала бербей

gumi94

2015-06-25 02:07:44

биздин депутаттар айта берет ........ Анан кайра кайта берет...

BiTiSHKa

2015-06-25 09:18:17

Эн башкысы "атамекенчилер" туура маселени, оз убагында которуптур. Чындап эле онко ооруларга ар тараптан камсыздоо зарыл. Бюджетибиз тартыш болуп турганда ким толойтЮ ким жарымын толоорун ачык айтыштары керек. Мындай ооруларды дарылаган ооруканалардын матералдык техникалык базасын чындоочу учур келди.

abai

2015-06-26 11:22:58

Абал каэрде женил экен?

Комментарий калтыруу үчүн өз ысымыңыз менен кириңиз же каттоодон өтүңүз.