Өмүрбек Текебаев: “Кыргыз-Кытай темир жолу Торугарт менен бүт кыргыз жерин аралап, Жалал-Абад аркылуу өтөт”

Быйыл шайлоо кампаниясы жарым жыл мурун кээ бир партиялар тарабынан кымбат баалуу билборддорду республиканын аймагына илүү, жер-жерлерде улак тартыш оюнун уюштуруу менен башталса, азыр массалык түрдөгү ооз ачыруулар менен улантылууда. “Ата Мекен” социалисттик партиясы шаан-шөкөттөрдөн алыс болуп, эл менен гана жолугушууларды өжөрлүк менен өткөрүп, мыйзамдын талаптары менен иштеп жаткан жалгыз партия.

11-июлда “Ата Мекен” партиясынын Жалал-Абад облустук уюмунун конференциясы болуп өттү. Делегаттардан сырткары катышууну каалап келгендер Барпы театрынын залына батпай турду. Конференцияда сүйлөгөн партиянын лидери Өмүрбек Текебаев партиялык принциптерге, коомубуздагы абалга токтолуу менен бирге Кыргыз-Кытай темир жол көйгөйүнө токтолуп: “Кытай-Кыргыз темир жол курулушу 3-4 жылга кармалды. Темир жол Эркеч-Там аркылуу Тажикстанга өтүп кетерде “Ата Мекен” партиясынын 2 жылдык тынымсыз аракеттеринин натыйжасында темир жол Торугарт менен бүт кыргыз жерин аралап, Жалал-Абад аркылуу өтө турган болду. Бул маршрут Кыргыз Республикасынын түндүк-түштүгүн бириктиргенге шарт түзөт. Темир жолдун курулушу менен өлкөбүздүн экономикасы көтөрүлөт. Ошол эле учурда Жалал-Абад шаары ири логистикалык борборго айланат жана Бишкек, Ош шаарларындай ири экономикалык жана маданий борбор болот. Натыйжада өлкөнүн соода-экономикалык саясаты эч кимге көз карандысыз деңгээлде эркин өнүгүшүнө шарт түзүлөт”,- деп кошумчалады.

Конференция Жалал-Абад шаарынын үстүндөгү адырдын бийик жерине кыргыз туусун орнотуу менен башталды. Жыйындын жүрүшүндө Жоомарт Оторбаев, Талант Узакбаев, Алмамбет Шыкмаматов “Ата Мекен” партиясынын катарында күзгү парламенттик шайлоого барышарын билдиришти. “Кыргызстан коммунисттери” партиясы бизди колдоорун билдирсе, “Улуттар биримдиги” элдик партиясынын түштүк аймагы боюнча координатору Акулов партиянын лидери Мелис Мырзакматовдун кайрылуусун окуп берди",- деди партиянын облустагы координатору Алмаз Мустапакулов.

Жыйындын аягында партиянын мыкты өкүлдөрүнө Өмүрбек Текебаев Ардак баракчаларды тапшырды жана облустук уюмдун ишине жогорку баасын берди. Жакынкы күндөрү партиянын Бишкек шаардык, Чүй, Ош, Ысык-Көл жана Баткен облустук уюмдарынын партиялык конференциялары күтүлүүдө. Андан кийин “Ата Мекен” социалисттик партиясынын курултайы өтөт.

18:02 12-07-2015

Жазылуу

РУБРИКАДАГЫ СОҢКУ КАБАРЛАР

17:56 2025-06-15 | Коом жана турмуш

"Бул жакта жашоо жеңил эмес, бирок ийгиликке жеткен мекендештер да бар" дейт Америкада жашаган Нурадил (маек) 4282 0

16:14 2025-06-15 | Түркүн дүйнө

Эрдоган Израилди токтотууга чакырып, Иранга сокку уруунун кесепеттерин эскертти 3127 0

15:52 2025-06-15 | Коом жана турмуш

Сырдуу көл, токойлор, шаркыратмалар... Кыргызстандын кереметтери бир топтомдо 5337 0

15:07 2025-06-15 | Түркүн дүйнө

Израил АКШдан Ирандын Фордо жер астындагы өзөктүк объектисин жок кылууга жардам берүүнү суранды 3098 0

14:46 2025-06-15 | Коом жана турмуш

Блог: Байыркы тарых менен заманбап доор айкалышкан Египет 2285 0

14:15 2025-06-15 | Кылмыштар, кырсыктар

Чүйдө 6 жаштагы кызды сүзүп кеткен айдоочу кармалды 1302 0

Архив

Комментарийлер (39)

nurik903

2015-07-12 18:13:56

канчалаган карызга батып кеттик ким толойт анчаны алар жеп жеп качып кетет

-1

borbuk

2015-07-12 18:22:35

Нурик ошол суроого саясатчылар минтип жооп бермек Греция 200млр а биздики болгону 3млр дешмек

Amai

2015-07-12 20:20:45

Шайлого жакын чала бутуп калган иштердин барын бутурушсо сонун болмок еле.

Amai

2015-07-12 20:22:03

Ким утсада чала калган иштерди аткарышбай толугу менен

duyshin

2015-07-12 23:24:39

Темир жол лейлектен да отобу екен

nookat

2015-07-13 00:45:04

Өмүрбек Текебевди сыйлайм и кудай буйруса ал киши Кыргызстанды алдыга жылдырат

-1

Bors

2015-07-13 01:37:34

Мен да Ата Мекен партиясына кошулам буйруса

AiBoru

2015-07-13 03:31:53

Негизи эле Текебаев баардык иштин майын чыгарып, айтканын эркекче аткарган бирден бир саясатчы деп билем. Бир гана анын тили озуно душман арттырып алат да, ачуусу мурдунун учунда эле болсо керек. Бир жолу "базардагы катындан да жаман" деп кимдир бироону салыштырган. Хотя базарда да эн жакшы билимдуу илимдуу кишилер иштешет, акчанын айынан эле базарга чыкканы болбосо

-1

stal.ks

2015-07-13 08:15:10

кытайга жол ачылып кытай басып кетбейби алакандай жерибизди

Bator

2015-07-13 08:38:41

stal.ks Андай кооптонуу бар. Бирок, Кытай баардык жерди экономикасы менен басты. Кытайдын калкы кобойуудо. Кытай басса, экспанциялык жол менен дагы мындай агрессия менен басып алышы мумкун..Эн негизги элдин социалдык, экономикалык абалын ойлоп керек. Элдиг татыктуу жашоосуна шарт тузуп бериш керек.

BiTiSHKa

2015-07-13 09:25:10

Жалал-Абал экономикалык жактан онуго турган чакан, бирок бай областтардан. ГЭСтердин баары ошол жерде жайгашкан. Болгону ошол темир жол гана жетпей турду эле. Ал бутуп калса тундук-туштук жыргап эле катташып калабыз. Туризм онугот, экономика онугот дегендей. Ушулар ырааттуу ишке ашыш учун шайлоодо "Ата Мекен" партиясынан чыккан азамат талапкерлерди колдошубуз керек достор. Текебаев учун 2015-дылдагы шайлоо чечуучу болуп эсептелет. Ал жана партиясы женишке жетиш керек, ошондо гана олко онолот!

Birbaw97

2015-07-13 16:09:20

Тэкебаев шайлоо астында даагы элеге жагайын деп ар кандай узуун лапшаларды илип жатат... Жаны жаш муундагы олкого иштечу инсан болсо зор болот эле азыр бардыгы эле карыган КАРЫШКЫР.

BiTiSHKa

2015-07-13 17:48:10

Birbaw97,Текебаев дал ошол жаш муундарды тарбиялап жатат. Кудай буюруса "Ата Мекен" юаштаган жол ийгиликт ишке ашат деп ишенемин. Жону жок эле тийише бергендин эмне кереги бар. Текебаевди ээрчиген жаштар Кыргызстанды андан ары гулдотот. Жашатр чыга калып эле мамлекет кура калбайт, Текебаев сыяктуларды туурап, ошолордон уйронгон сон аларды чог саясатка аралаштырса болот. Ошондуктан чыдап жаштарды тарбиялоо керек.

-1

Shakarap

2015-07-13 22:43:17

Саламатсыздарбы? Супер Инфо жааматы, ошол темир жолдун болжолдуу картасын, же схемасын чыгара аласынарбы гезитке. Алдын ала рахмат.

Alibi

2015-07-14 10:19:31

Ата Мекен партиясына болгон ишенимим бар, бул партияынын окулдору мезгил менен жарышып артта калбай жаны идеяларды берип келет. Колдон келсе Ата Мекен партиясын баарыбыз колдойлу!

Alibi

2015-07-14 10:20:02

Чын журогумдон Ата Мекен партиясы учун бул шайлоодо мен иштеп берем!

admin_portal

2015-07-14 10:37:18

Баардык колдонуучуларга эскертүү!
Сайттын же гезиттин ЖАЛПЫ ИШМЕРДҮҮЛҮГҮНӨ байланыштуу сын-пикирлер info@super.kg же admin@super.kg электрондук даректерине жазылып жөнөтүлүшү керек.

Комментарий калтыруу үчүн өз ысымыңыз менен кириңиз же каттоодон өтүңүз.