Кыргызстандыктардын 76,5 пайызы интернетти уюлдук телефон аркылуу пайдаланат

Кыргызстандыктардын 76,5 пайызы интернетти уюлдук телефон аркылуу пайдаланат. Бул тууралуу бүгүн, 1-мартта “М-Вектор” иликтөө-консалтинг компаниясынын башкы директору Роман Погожев билдирди. Компаниянын атайын сурамжылоосуна катышкандардын 28,7 пайызы үйүндө интернети бар экендигин, 7,3 пайызы интернет түйүндөрүнөн, 6,3 пайызы жумуш учурунда, ал эми 5,1 пайызы USB модем колдоно тургандыктарын айтышкан. “Кыргызстандыктардын 58 пайызы интернетти күнүгө колдонсо, 30,3 пайызы аптасына бир нече ирет колдонгондор”,- деди Погожев.

Автор: Ширин Жумадилова