Жантөрө Сатыбалдиев ЕККУнун өкүлү Сергей Капиносту кабыл алды

5-мартта премьер-министр Жантөрө Сатыбалдиев ЕККУнун Кыргызстандагы борборунун жетекчиси Сергей Капиносту кабыл алды. Бул тууралуу өкмөттүн аппаратынын маалыматтык саясат бөлүмү билдирди. Жолугушуу учурунда тараптар укук коргоо органдарын реформалоо жана координациялык иштерди жакшыртуунун алкагында кызматташуу маселесин талкуулашты. Ошондой эле Жантөрө Сатыбалдиев Жогорку Кеңеш тарабынан колдоого ээ болгон өкмөттүн жаңы курамында коопсуздук, укук тартиби жана чек ара маселелери боюнча вице-премьер-министрлик кызматы киргизилгендигин билдирип, Шамиль Атахановду тааныштырды.

Автор: Ширин Жумадилова