Нарын. 8-Март майрамына карата Нарын шаарынын алдынкы айымдары сыйланышты

6-мартта Нарын шаарынын мэри Баатырбек Жээналиев шаардагы мекеме, ишканалардагы жетекчи айымдарды 8-Март - Аялдардын эл аралык күнү менен куттуктады. Бул тууралуу шаардык мэриянын басма сөз катчысы билдирет.

Майрамдык иш-чарада илим менен өндүрүштө, социалдык-маданий чөйрөдө, мамлекеттик башкарууда жана коомдук иштерде үлгү көрсөткөн жетекчи жана ардагер айымдар сый тамак жана жагымдуу белектер менен сыйланышты.

Майрамдык иш-чара концерттик программа менен коштолду.

Автор: Гүлжан Асанкожоева