Баткен. Облус башчысы Жеңиш Разаков эл менен жолугушуу өткөрдү

12-март күнү өкмөттүн Баткен облусундагы өкүлү Жеңиш Разаков иш сапары менен Баткен районунун Суу-Башы жана Кара-Булак айыл өкмөттөрүндө болду. Иш сапардын алкагында облус башчысы аталган айылдардын социалдык көйгөйлөрү менен жеринен таанышты. Кара-Токой, Айгүл-Таш, Апкан, Бөжөй айылынын эли менен да жолугушууларды өткөрүп, алардын көйгөйүн укту. Ал эми Кара-Булак айылына барган өкмөттүн облустагы өкүлү ал жердеги мектептердин абалы, жолдор, бала бакчалар менен таанышып, айтылган маселелерди чечүүгө аракет кыла турганын билдирди.

Автор: Бегайым Тажыбай кызы