Түндүк Корея менен Түштүк Кореянын ортосунда согуш башталып кетиши мүмкүнбү?

Түндүк Корея менен Түштүк Кореянын ортосунда согуштук аракеттер башталып кетиши мүмкүн. Расмий Пхеньян эки өлкөнүн ортосундагы маселелер согуштук чабуулдар аркылуу чечилиши мүмкүн экендигин эскертти. Буга АКШнын Түштүк Кореядагы аскердик базаларынын ракеталары Корея жарым аралынын үстүнөн учуп өтүшү себеп болду. Айта кетсек, АКШ менен Түштүк Корея биргеликте аскердик окууларды жүргүзүү учурунда, өзөктүү курал ташууга ылайыктуу учактар жарым аралдардын үстүнөн учуп өткөн. Мындан соң Түндүк Кореянын өлкө жетекчиси аталган аскердик базаларга чабуул коюуга ракеталарды даярдоо тууралуу буйрук чыгарды. Көз карандысыз серепчилер да аталган эки өлкөдө абал курч экенин айтышууда.

Автор: Ширин Жумадилова