Орусияда "май майрамдарында бир нече жардырууну пландаган" деп шектелген жарандар кармалышты

Орусиянын Мамлекеттик коопсуздук кызматы "май майрамдарында Москвада бир нече жардырууларды пландаган" деген шек менен жарандарды кармады. Бул тууралуу жергиликтүү маалымат каражаттары аталган кызматка шилтеме берүү менен жазып чыгышты.

Коопсуздук кызматынын маалыматына ылайык, жардыруулар Сириянын жана Түркиянын аймагындагы террордук уюмдардын жетекчилеринин тапшырмалары боюнча ишке ашырылмак. Кылмышка шектүү катары кармалгандардын убактылуу жашаган жайларынан согуштук куралдар жана жардыруучу заттар табылган. Учурда алар суракта экендиги маалым болду. Тергөөнүн кызыкчылыгына байланыштуу кармалган жарандардын аты-жөнү жана кайсы өлкөнүн жарандары экендиги тууралуу так маалымат айтыла элек.

Автор: Акназар Сулайманкулов
Фото: Интернеттен алынган