Баткен. Кызыл-Кыяда шаар мэринин Кубогу үчүн волейбол мелдеши өттү

2-апрель күнү Баткен облусунун Кызыл-Кыя шаарында аталган шаардын мэринин Кубогу үчүн волейбол мелдеши болуп өттү. Анда шаардагы орто мектептердин окуучуларынан түзүлгөн 10 команда күч сынашты. Эркектер арасында 1-орун үчүн Себат лицейи менен №6-орто мектеп таймашып, №6-мектеп жеңүүчү болду. Кыздар арасындагы таймашта шаардагы №9-мектептин командасы 1-орунду илип кетти. Оюндардын жүрүшүнө шаар мэри Абиш Калмырзаев жана Кызыл-Кыя шаардык кеңешинин төрагасы Асилбек Маткалыков катышып, жеңүүчүлөр медаль, ардак грамота жана кызыктыруучу белектер менен сыйланды.

Автор: Бегайым Тажыбай кызы