Балыкчы шаарынын мэринин ишин депутаттык комиссия териштирет

Ысык-Көл облусундагы Балыкчы шаарынын мэринин үстүнөн түшкөн арыздануунун чоо-жайын иликтөө үчүн депутаттык комиссия түзүлөт. Мындай чечим бүгүн, 9-апрелде ЖКнын Мыйзамдуулук, укук тартиби жана кылмыштуулук менен күрөшүү боюнча комитетинин жыйынында кабыл алынды. Айта кетсек, мэр Мирлан Бообековго карата Балыкчы шаардык кеңешинин депутаты Зарылкан Кылмышевадан арызданган. Анын айтымында, мэр жергиликтүү кеңештин депутаттарынын ишине ар кандай тоскоолдуктарды жаратууда.

Автор: Ширин Жумадилова