2016-жылы 1,5 миң тоннадан 2 миң тоннага чейин балык өндүрүлгөн

Быйыл өлкө аймагында алгачкы жолу балык чарбасын өнүктүрүү боюнча адистер окуп бүтүшөт. Бул тууралуу бүгүн, 2-февралда SUPER.KG порталына Балык чарба департаментинин башчысынын орун басары Самарбек Күчүков билдирди.

"Балык чарба тармагында быйыл алгачкы жолу адистер билим алып чыгышат. Бул адистер менен аталган чарбаны өнүктүрүүгө шарт жаралат. Мындан сырткары адистердин деңгээлин жогорулатуу боюнча аракеттер көрүлүүдө. Балык уулоо боюнча киргизилген мораторий алынса, Соң-Көл, Ысык-Көл аймактарында балык кармоо ишин калыптандырабыз", - деди Күчүков.

Самарбек Күчүковдун маалыматына ылайык, 2016-жылы 1,5 миң тоннадан 2 миң тоннага чейин балык өндүрүлгөн. Аталган чарбаны өнүктүрүүдө Чүй облусу басымдуулук кылат. 2016-жылы 6 ай ичинде 2,5 миллион даана балыктын уругу чет өлкөдөн алынып келинген.

Автор: Акназар Сулайманкулов