Өткөн жылы 248 табигый жана техногендик мүнөздөгү өзгөчө кырдаал катталган

Өткөн жылы 248 табигый жана техногендик мүнөздөгү өзгөчө кырдаал катталган. Бул тууралуу бүгүн, 3-февралда Өзгөчө кырдаалдар министрлигинен билдиришти.

Маалыматка караганда, 2015-жылдын ушул мезгилине салыштырмалуу өзгөчө кырдаалдардын саны 7 пайызга өскөн. Ал эми каза болгондор 11 пайызга азайган. Ошондой эле келтирилген материалдык чыгым 1 миллиард 6 миллион сомду түзгөн.

Өзгөчө кырдаалдардан келтирилген жалпы материалдык зыяндын ичинен эң ири чыгымдарды өрт кырсыктары, сел суулары, суу каптоо, жер көчкү, мөндүр алып келген.

Айта кетсек, 2016-жылы өзгөчө кырдаалдардын кесепетинен 47 адам каза болгон.

Автор: Бекжан Рыскулов