Түркияда сабалган кыз сүйлөп калганы менен, өзү кабылган окуяны айтып бергенге даяр эмес

21-декабрда Анталиянын Коркутели районунун жолунан сабалып, эс-учу жок абалда табылган 21 жаштагы кыргыз кыз басып калганы менен, өзү кабылган окуяны айтып бергенге даяр эмес экенин бүгүн, 29-апрелде мекендешибиз Жаңылай Балтаева SUPER.KG порталына кабарлады.

"Ал учурда ооруканада, ооруканадан 15-майда чыгарылат. Жанында атасы жана апасы бар. Басып калды, адамдарды таанып жатат, сүйлөйт, окуяны да айтып бере албай жатат. Андыктан соттук кароо 6 айга жылдырылды. Ооруканада кыз жаткан керебеттен бөлөк бир гана отургуч бар экен. Атасы менен апасы кезектешип эс алып жатышат. Тамак да 2 кишиге эле берилет экен. "Halk" партиясынан Хамид аттуу жигит жардам берип жатат, бирок баары бир каражат маселеси оор болууда. Кыздын Орусияда агасы бар экен, ал колунан келишинче жардамдашып жатат. Ал эми жардамдашабыз деген кыргыздар учурда жокко эсе. Ооруканадан чыккыча, жардам болуп, жашай турган жай табылып калса ата-энесине жакшы болмок. Анын үстүнө адвокат да жалдап, каражат тартыш болуп жатат", - деди Жаңылай Балтаева.

Эскерте кетсек, бул кылмышка шектүү катары кармалган С.Ч. жабырлануучу кызды М.У. аттуу адамга сексуалдык кулчулукка сатып жиберген. С.Ч. "интимдик кызмат көрсөтүүчү жашыруун жай уюштурган", ал эми М.У. "адам өлтүрүүгө аракет кылган" деп айыпталган.

Сабалган М.Н. менен кабарлашып жаткан мекендештер Стамбулдагы Кыргыз өлкөсүнүн консулдугунан эч кандай жардам болбой жатканын айтышып, нааразы болушууда. Белгилей кетсек, мындай нааразычылык биринчи жолу болуп жаткан жок.

Автор: Үмүт Абдраимова
Фото: Жаңылай Балтаева

08:08 29-04-2017

Жазылуу

РУБРИКАДАГЫ СОҢКУ КАБАРЛАР

15:59 2025-06-26 | Коом жана турмуш

Ош облусунун жетекчиси Ноокат–Кызыл-Кыя жолундагы оңдоо иштеринен кабар алды 34 0

15:46 2025-06-26 | Коом жана турмуш

Эртең Бишкектин айрым аймактарында суу өчүрүлөт 57 0

15:19 2025-06-26 | Түркүн дүйнө

"Интер" жана "Ривер Плейт" клубдарынын беттеши массалык мушташ менен аяктады (видео) 301 0

14:48 2025-06-26 | Түркүн дүйнө

Мессиге 98 жаштагы америкалык апа өзгөчө сунуш жасады (видео) 720 0

14:35 2025-06-26 | Коом жана турмуш

Оштогу “Кайырма” каналынын жээгин көрктөндүрүү иштери башталды 348 0

14:16 2025-06-26 | Бизнес-Инфо

MBANK жалган маалымат тууралуу эскертет 383 0

Архив

Комментарийлер (5)

raykray

2017-04-29 11:26:02

Толку сакайып кетсин,баарын айтсын супер бул кызды баягында бироонун уйуно чыгарылды ооруканадан дебединер беле?

solntse95

2017-04-29 11:38:21

Арыктап кетиптир байкуш

Tunerbei1812

2017-04-29 12:30:27

Кулчулукка саткан адамды олтуруп эле салган он го. Ал баары бир адам болбойт. Ыймансыздыктын эн акыркы жеткен чеги адам сатуу.

doping

2017-04-29 15:05:05

5жылдан бери коро элекмин

Kroxa

2017-04-30 00:03:14

Туркия кеткендин кобу эле кулчулукка кабылабы билбейм..менин таанышым да москавдан иштеп журуп стамбулга кетип аран аласа бересесин жаап келип эми Москвада пол жуусам да жакшы турцияга барбайм деп келди ачык айтпайт не болду экен деп ойлой берем..

Комментарий калтыруу үчүн өз ысымыңыз менен кириңиз же каттоодон өтүңүз.