Эмилбек Каптагаев: "Жапаров менен саясий душман болуп жүрөбүз, бирок ага эч кандай доом жок"

Бүгүн, 30-июнь күнү Бишкек шаарынын Биринчи Май райондук сотунда мурдагы депутат Садыр Жапаровдун соту өтүүдө. Соттук отурумдун жүрүшүндө Ысык-Көл облусунун мурдагы башчысы Эмилбек Каптагаев көрсөтмө берип, Садыр Жапаровго эч кандай доосу жок экенин айтты.

"Учурда Жапаров менен саясий душман болуп жүрөбүз. Мен Ысык-Көлгө башчы болуп барганда күн сайын митинг болуп жатты. Мени барымтага алган күнү Алматыда Тоо туризми боюнча жыйын өтмөк. Мен ошол жакка бармак элем. Бирок ал күнү митингдин айынан Казакстанга барбай калдым. Андан соң митингчилерге келип маселени чечели деп сүйлөштүк. Ошол учурда Жумабаев мени кармап туруп алды. Аңгыча атчан адамдар келип "алгыла кеттик" деп мени жулкулдатып унаага отургузуп, бензин чачышты. Мени менен отурган адам алдыда зажигалка ойноп отурду. Мен "өлгүң келип жатабы" дедим. Ал ага болгон жок. Капыстан өрт чыгып бензин чачылган чүпүрөк күйүп кетти. Дагы жакшы күйгөн чүпүрөк унаанын айнегинен сыртка түшүп калды. Окуянын жүрүшү ушундай болгон", - деди Каптагаев.

Ал эми Садыр Жапаров жабырлануучу Каптагаевге "митингди мени уюштурду деп уктуңузбу?" деп суроо берди. Каптагаев ага "мен андай сөздү уккан эмесмин" деди. Ошондой эле ал Жапаровго эч кандай дооматы жок экенин дагы билдирди.

Эскерте кетсек, 2017-жылдын 25-мартында Садыр Жапаров Казакстандан Кыргыз мамлекетине киргенде аны чек арадан УКМКнын кызматкерлери кармап кеткен. Ал "бейбаштык", "бийлик өкүлүнө карата зордук-зомбулук көрсөтүү", "барымтага алуу" жана башка беренелер боюнча айыпталууда. 26-мартта Садыр Жапаров Биринчи Май райондук сотунун чечими менен тергөө бүткүчө Бишкектеги №1-тергөө абагына камалган. 6-апрелде Бишкек шаардык соту райондук соттун чечимин күчүндө калтырган. Ал эми 24-апрелде Бишкектин Биринчи Май райондук соту Жапаровду камакта кармоо мөөнөтүн 28-майга чейин узарткан. Бул чечимди Бишкек шаардык соту күчүндө калтырган болчу.

Автор: Акназар Сулайманкулов

16:18 30-06-2017

Жазылуу

Тектеш кабарлар:

Жогорку Сот Садыр Жапаровду 11 жыл 6 айга эркинен ажыратуу чечимин күчүндө калтырды

Садыр Жапаров кайрадан №1-СИЗОго которулду

Садыр Жапаровдун жубайы: "Анын ушундай оор абалда экенин билгем, мени эмдигиче киргизбей жатышат"

Садыр Жапаровдун сотунда күбө: "Мага Каптагаевди барымтага алгыла, милицияларды коркуткула деген тапшырма берилген эмес"

11 жыл 6 айга кесилген Садыр Жапаровдун жактоочусу шаардык сотко арызданат

ЖАМК: "Садыр Жапаров өз колун жана моюнун кескен"

Жаза аткаруу кызматынын төрагасы: “Садыр Жапаров бир жумадан кийин кайрадан №1-тергөө абагына которулат”

Садыр Жапаровдун жактоочусу күбөлөрдү кайрадан суракка чакыруу өтүнүчүн келтирди

Садыр Жапаров сотто акыркы сөзүн айтты

Садыр Жапаровдун тарапташтары сот имаратынын алдына чогулушту

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 172 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 831 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 922 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 356 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 481 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 788 0

Архив

Комментарийлер (8)

jonne

2017-06-30 16:26:03

Уй камагына чыгаргыла эч кандай Садыр Жапаровтун куносу жок экени билинип калды уулу урмату сод сизге ишенебиз ал нерсе сиздин колунуздан келет ... имиш имиш деп бут тосбогула

+10

Momunbekov90

2017-06-30 16:27:14

Каптагаев эки жуздуу, бирок алдыны коро билген адам.Бул бийликтин куну бутуп калды ошон учун Жапаровко доом жок деп атат.

Begmat1992

2017-06-30 16:27:30

Жапаровко боштондук

bekov01

2017-06-30 16:27:46

Жабырлануучу доом жок деген сон токтоосуз турдо бошотуш керек еле. Соттор емне еле бир точканы айланып жатышат же ушунчалык еле мангуроо адамдарбы

Anucha

2017-06-30 22:34:48

bekov01,адамдарга окшобой калганыны

Hurem

2017-06-30 22:41:56

bekov01, Алар жогору жактын буйругун аткарып жатышат. ХХХ

Aizattt

2017-06-30 18:40:05

Биз онолбой калдык.ишенген чондорубуздун кебетеси бул болсо..жанылык окуган сайын кыргызстанга кайткым келбейт менин...

Best.bakyt

2017-06-30 18:55:07

Жапаровту бийлик тынч эле бошото турган жерде болуп калды. Догун артып кармап отура беруу бийликтин озунун абройуна шек келтирет. Каптагаев тулкунун куйругундай эле буландайт го чиркин. Кай жактан пайда чыгарын юилет бул шум. Бирок да азаматтык кылыптыр.

Комментарий калтыруу үчүн өз ысымыңыз менен кириңиз же каттоодон өтүңүз.