Жактоочу: “УКМК Канат Исаевди эл душманы катары көрсөткүсү келип жатат”

Интернетке тараган чуулуу видеодон кадр

“Канат Исаевди УКМК эл душманы катары көрсөткүсү келип жатат”,- деген оюн бүгүн, 11-октябрда маалымат жыйында Жогорку Кеңештин депутаты Канат Исаевдин жактоочусу Улан Жумаков билдирди.

Анын айтымында, Канат Исаевди куугунтуктоо анын Конституцияга өзгөртүү киргизүүгө каршы чыкканынан тарта башталган. “2016-жылы Конституцияга өзгөртүү киргизүү сунушталган. Исаев буга каршы чыккан. Мындан кийин Башкы прокуратура "Канат Исаев 2008-2010-жылдар аралыгында Токмок шаарынын мэри кызматын аркалап турганда пара алууга жол берген жана кызмат абалынан пайдаланган" деп айыптап, кылмыш ишин козгогон”, - деп эскертти адвокат.

Ошондой эле жактоочу Канат Исаев акчаны үгүтчүлөргө бергенин баса белгиледи. Жактоочунун айтымында, акчаны уюшкан кылмыштуу топтун мүчөлөрүнө берген деген маалымат калп. Жумаков интернетке тараган чуулуу видео качан тартылганы белгисиз экенин кошумчалады.

Айта кетсек, Башкы прокуратура 30-сентябрь күнү Жогорку Кеңештин депутаты Канат Исаевге карата "кылмышка даярдануу", "массалык баш аламандык" жана "бийликти күчкө салып тартып алуу же бийликти күч менен кармап туруу" беренелери боюнча кылмыш ишин козгогон. Ал ушул кылмыш иштерин жасоого шектүү катары кармалган. 2-октябрда сот Канат Исаевди 30-ноябрга чейин тергөө абагына камакка алуу чечимин чыгарган.

3-октябрда жактоочу К.Исаевди айыптоого далилдер жок экенин жана чуулуу видеодо Исаев берип жаткан акча үгүт иштери үчүн гана болгонун айткан. Ал эми УКМК Исаевдин күнөөсү далилденип жатканын билдирген.

4-октябрда Канат Исаевди коргоо комитети түзүлгөн.

Автор: Жылдыз Джускембаева
Фото: Жылдыз Джускембаева

11:24 11-10-2017

Жазылуу

РУБРИКАДАГЫ СОҢКУ КАБАРЛАР

09:52 2025-07-15 | Түркүн дүйнө

Камчаткада өспүрүм 12 жаштагы баланы атып алды 80 0

09:50 2025-07-15 | Кылмыштар, кырсыктар

Чүйдө бир күндө 10дон ашык өрт кырсыгы болду 70 0

09:40 2025-07-15 | Коом жана турмуш

Мэр Жеңишбек Токторбаев үч эм балдарга батир белек кылды 275 0

09:31 2025-07-15 | Түркүн дүйнө

Кытай аскердик машыгууда роботторду колдонду (видео) 248 0

09:30 2025-07-15 | Коом жана турмуш

Рублдун сомго карата учурдагы баасы 209 0

09:14 2025-07-15 | Түркүн дүйнө

Трамп Армения менен Азербайжандын ортосундагы чатак жакын арада чечилерин айтты 304 0

Архив

Комментарийлер (4)

Beki092

2017-10-11 11:31:14

Саламатсыздарбы сурет инфо Казакстан менен Кыргызстандын таможенный туралы маалымат берип койосуздарбы эмне себептен жабылганын

admin_superstan

2017-10-11 12:52:43

Beki092, саламатсызбы! Сунушуңузга рахмат, тиешелүү бөлүмгө жеткирилди.

Makain

2017-10-11 11:36:20

Калп эле олумуш болуп каласынар кантип берген акчаларын датасын билбей калсын.Саясаттагылар аман эле болсун

bahbrat

2017-10-11 21:22:22

Ушундай жоругунан кийин аны Эл бузар эмес эмне дейт. Агитацияга болгондо деле сүйлөшкөн сөздөрүн карасаң. Мен буга окшогондорду тартипке келтирүү боюнча мамлекеттик органдардын ишин колдоймун

Комментарий калтыруу үчүн өз ысымыңыз менен кириңиз же каттоодон өтүңүз.