1500-жылдары тартылган сүрөт Нью-Йоркто 450 миллион долларга сатылып, дүйнөдөгү эң кымбат картина аталды

Нью-Йорктогу аукциондо италиялык сүрөтчү Леонардо Да Винчиге таандык "Дүйнөнүн куткаруучусу" деп аталган сүрөт 450 миллион долларга сатылды.

Бул тууралуу чет элдик маалымат каражаттары жазышты.

Бул сүрөтчүнүн жалгыз эмгеги жеке коллекционердин колунда сакталган. Аукциондогу сүрөттүн баасы дүйнөнүн сүрөт базарындагы эң кымбат баа деп аталды.

Аукционго картина 100 миллион доллар баштапкы баа менен коюлуп, жарым сааттын ичинде эле 400 миллионго жеткен. Жыйынтыгында полотно салыктык төлөмдөр жана аукциондук жыйымдарды кошкондо жалпы 450 миллион долларга бааланган.

"Дүйнөнүн куткаруучусу" деп аталган сүрөт 1500-жылдарга таандык. 17-кылымда ал Англиянын королу Карл Iдин карамагында болуп, кийин дайыны табылбай калган. Абалы начарлап, бузулган, автору көрсөтүлбөгөн бул сүрөт жыйырманчы кылымдын башында сүрөт базарларында кайра пайда болгон.

2005-жылы автору көрсөтүлбөгөн сүрөт АКШнын аймактарында өткөн аукциондо пайда болуп 10 миң долларга бааланганы айтылат. Ошондон бери бул сүрөт Да Винчинин чыгармачылыгын изилдөө боюнча адистердин көзөмөлүндө болуп, 3 жылдай реставрацияланган. 2011-жылы картинаны официалдуу түрдө Лондондогу улуттук галлереяда эл алдына тааныштырышкан.

Автор: Мунарбек Жоргомов
Фото: Интернеттен алынган сүрөт

11:42 16-11-2017

Жазылуу

РУБРИКАДАГЫ СОҢКУ КАБАРЛАР

10:56 2025-05-01 | Кылмыштар, кырсыктар

Ошто МАИ кызматкерин чаап жиберген жаранга кылмыш иши козголду 34 0

10:50 2025-05-01 | Супер-Инфо

Француз десерти – профитроли 38 0

10:38 2025-05-01 | Түркүн дүйнө

Путин үч жылдан бери түнүнүн көбүн өткөргөн Кремлдеги батирин көрсөттү (видео) 267 0

10:15 2025-05-01 | Маданият, шоу-бизнес

"Оор жашоону көргөнбүз". Актёр Актан Рыскелдиевге жубайы унаа белек кылды (видео) 438 0

10:10 2025-05-01 | Супер-Инфо

Мамилени бекемдеген сүйүүнүн 5 тили 129 0

09:57 2025-05-01 | Түркүн дүйнө

Өзбекстанда электрондук тамекиге толугу менен тыюу салынды 181 0

Архив

Комментарийлер (4)

ariet97

2017-11-16 11:54:26

Мына сага кээ бироно 400 миллион доллар
Акча деле эмес экен

admin_superstan

2017-11-16 12:29:09

almanbetperm, маалымат такталып жазылган. Порталдын ЖАЛПЫ ИШМЕРДҮҮЛҮГҮНӨ байланыштуу сын-пикирлер же сунуштар болсо portal@super.kg электрондук дарегине жазылып жөнөтүлүшү керек.

Baiaman170395

2017-11-17 01:38:33

Бул картинанын баасы Кыргызстандын Кумтордогу улушу менен тенго. Тооба картина ушунча кымбатпы же, Кыргызстандын Кумтордогу улушу ушунчалык азбы? Тушунбой калдым

Denials

2017-11-18 23:02:31

Портреттин баасы аны тарткан адамга жана качан тартылганына байланыштуу,бирок азыр оригиналдар калбады баардыгы кара базарда сатылып аукционго фальшивкалар чыгып жатат

Комментарий калтыруу үчүн өз ысымыңыз менен кириңиз же каттоодон өтүңүз.