Сапар Исаков АКШда кубок уткан жаш хоккейчилер менен жолукту

Бүгүн, 9-декабрда премьер-министр Сапар Исаков АКШда өткөн “Barrington Ice Arena” эл аралык турниринде жеңишке жеткен “Алга Бишкек" жаш курама командасы менен жолукту. Бул тууралуу өкмөттүн басма сөз кызматы билдирди.

Маалыматка ылайык, өкмөт башчы жаш спортчуларды турнирдеги ийгиликтери менен куттуктап, алар ата мекендик спорттун жаңы тарыхый барагын ачып жатат деп белгиледи.

"Силер биздин сыймыгыбызсыңар жана мен үчүн силер менен жолугуу абдан чоң кубаныч. Жаш курагыңарга карабай, эмгегиңер менен ийгиликке жетип, өзүңөрдүн теңтуштарыңар жана чоңдор үчүн да үлгү боло алдыңар. Кыргыз өлкөсүндө хоккейдин өнүгүшүнө анчалык көп эмес салым кошуп жатканыбызды эске алсак, силердин умтулууңар жана биринчи орунду алам деген тилегиңер менен Кыргыз мамлекетин дүйнө жүзүнө тааныта алдыңар. Бул силердин чоң спортко карай алгачкы кадамыңар жана алдыда силерди дагы жаңы жетишкендиктер күтүп турат деп ишенебиз жана күтөбүз", - деди өкмөт башчы.

Премьер-министр жаш спортчулардын ата-энелерине кайрылып, бул маанилүү жеңишке түздөн-түз тиешеси бар балдарды тарбиялап өстүргөндөрү үчүн ыраазычылык билдирди. Исаков жаш хоккейчилерге өзүнө болгон ишенимди, спорттук шыкты каалады жана эч качан ушул жетишкендиктер менен токтолуп калбоого чакырды.

Мындан тышкары, бардык жаш спортчуларга Сапар Исаков эстелик белектерди жана сувенирлерди тапшырды.

Эскерте кетсек, жаш спортчулар АКШнын Чикаго шаарында 1-8-декабрь аралыгында өткөн хоккей боюнча эл аралык мелдешке катышкан. Кыргыздын жаш хоккейчилери алгач Чикагонун "Ice Dogs" клубуна 7:11 эсебинде утулуп калышкан. Кийинки оюнда Чикаго шаарынын курама командасын 9:3 эсебинде утуп алып жеңишке жетишкен.

Автор: Жылдыз Джускембаева
Фото: өкмөттүн басма сөз кызматы

22:07 09-12-2017

Жазылуу

РУБРИКАДАГЫ СОҢКУ КАБАРЛАР

17:36 2025-06-29 | Түркүн дүйнө

Сеулда пенсионер метро вагонун өрттөп, 150дөн ашуун адам жабыркады (видео) 144 0

16:49 2025-06-29 | Саясат

Орусияда Кыргызстандын 44 миң жараны «Яндексте» эмгектенет 271 0

16:25 2025-06-29 | Коом жана турмуш

Такыр-Төр көлүнүн кесепеттерин алдын алууга 76 адам тартылды 276 0

15:54 2025-06-29 | Саясат

Кыргызстанга Тажикстандын тышкы иштер министри расмий сапары менен келет 291 0

15:34 2025-06-29 | Саясат

Садыр Жапаров Орусиянын тышкы иштер министри Сергей Лавровду кабыл алды 533 0

14:40 2025-06-29 | Саясат

Сергей Лавров: "Ысык-Көл – Кыргызстандын эле эмес, бүтүндөй Евразиянын бермети" 872 0

Архив

Комментарийлер (7)

Bolunbo.kyrgyz

2017-12-09 22:13:04

Дан дан дан аман болгула

aibars

2017-12-09 23:18:49

Азаматтар, мотурайгандар десе.

Gerda96

2017-12-09 23:45:46

Молодцы биз сыймыктанабыз силер мн

aika2015

2017-12-10 00:00:15

Сапар Исаков! Сизге ийгилик калаайм. Мындан кийин да жакшы иштей бериниз. Тарыхта атыныз алтын тамга менен жазылат деп ишенем.

Pandora

2017-12-10 00:05:39

Бойтойгондор ий,шириндер.Келечек силердин колунарда

bakulya2015

2017-12-10 11:38:39

Азаматсынар жигиттер. Ал эми Исаков Сапар акебизге да рахмат ушунтип кубанычтарын тен болушуп олтурасыз. Омурунуз узун болсун. Сиз мындан аары жакшы иштей бериниз эл менен жолугушуулар кобойо берсин оз элинен оз жеринен коркпогон элге куйгон Аллахты суйгон патриот болуп журо бериниз. Эч качан туура эмес суйлоп жаман иштер кылбаныз ушундай жакшы иштей берсениз эл сиз менен кудай кааласа.

meliss

2017-12-10 14:21:28

Урматтуу admin оюнду какяктан корсок болот?

Комментарий калтыруу үчүн өз ысымыңыз менен кириңиз же каттоодон өтүңүз.