Сот аткаруучулар НТС телеканалынын мүлктөрүн каттоого алып башташты

Сот аткаруучулар НТС телеканалынын мүлктөрүн каттоого алып башташты. Бул тууралуу бүгүн, 20-декабрда аталган каналдын юристи журналисттерге билдирди.

"Учурда сот аткаруучулар мүлктөрдү каттоого ала башташты. Алар мүлккө болгон ишеним башкарууну бизге өткөрүп берсе, каналдын жабдыктарын колдоно берсек болот. Эгер башкага өткөрүп бере турган болсо, анда биз каналдын жабдыктарын колдоно албай калабыз. Сот аткаруучулар кандай чечим чыгарышат ал белгисиз", - деди юрист.

Айта кетсек, 19-декабрь күнү саат 17:00 чамасында сот аткаруучулар НТС телеканалынын имаратына милиция кызматкерлеринин коштоосунда кирип барышкан. Сот аткаруучулар каналдын мүлктөрүн камакка алуу боюнча Бишкек шаарынын райондор аралык сотунун чечимин көрсөтүшкөн.

Кыргыз Республикасынын Сот департаментинин маалыматына караганда, НТС телеканалынын мүлктөрүн камакка алуу боюнча аныктаманы Бишкек шаарынын райондор аралык соту 2017-жылдын 19-декабрында чыгарган. НТС телеканалынын жетекчилиги менен келишилген сүйлөшүүгө ылайык, соттун аныктамасын аткаруу 20-декабрга жылдырылган болчу.

Айта кетсек, НТС телеканалы депутат Өмүрбек Бабановго таандык делет. Ушул жылдын 4-ноябрь күнү Жогорку Кеңештеги "Республика-Ата Журт" фракциясынын лидери Өмүрбек Бабановго карата "улуттар аралык кастыкты козутуу" жана "Конституциялык түзүлүштү күчкө салып өзгөртүүгө эл алдында чакырык жасоо" беренелеринин негизинде кылмыш иши козголгон. Тергөө иштерин жүргүзүү УКМКга жүктөлгөн.

2017-жылдын октябрь айындагы президенттик шайлоодон кийин Өмүрбек Бабанов өлкөдөн чыгып кеткен боюнча кайтып келе элек. Айрым маалыматтарга караганда, анын Орусияда дарыланып жатканы айтылат.

Автор: Жамалидин Парманкулов
Фото: Жамалидин Парманкулов

13:30 20-12-2017

Жазылуу

РУБРИКАДАГЫ СОҢКУ КАБАРЛАР

18:02 2025-07-13 | Саясат

Сузактагы үйү өрттөн жабыркаган эки үй-бүлө жаңы таурак-жайлуу болушту (сүрөттөр) 14 0

17:05 2025-07-13 | Саясат

Көлбаев атындагы тоннелдин жолдоруна августтун аягына чейин асфальт төшөлөт 295 0

16:53 2025-07-13 | Түркүн дүйнө

Парижде жаңы мамлекетти түзүү жөнүндө келишимге кол коюлду 414 0

16:17 2025-07-13 | Түркүн дүйнө

Испанияда мигранттар менен жергиликтүүлөрдүн массалык мушташы катталды (видео) 543 0

15:23 2025-07-13 | Коом жана турмуш

ӨКМ: Көл-Төр көлүнүн жолунда жайгашкан айыл элинин тынчсыздануусуна негиз жок 416 0

15:03 2025-07-13 | Саясат

Оштун мэри нөшөрлүү жаанда шаарды каптаган суунун себебин айтты (видео) 1241 0

Архив

Комментарийлер (2)

KUBI

2017-12-20 13:46:39

Мурда бабанов барда албайт беле. Эмне деген заман.

Kyrgyz06

2017-12-20 14:22:45

рейдерлик басып алуу вечерний Бишкек,Эми НТС бийлик коррупционелер жанынар да журушот корбой жатасынарбы,элдин да.унун уккула силер эле байып жатасынар карапайым эл журот силерди байытып Бакинвден Акаевдан эч айырманар жок болуп кеттинер2010 жылы Берген убадаларды унуттунар Шералынын чокоюун эстегиле Бакиевдер да айтышкан он беш жыйырма был бийлик биздики.деп азыр кайла алар силердин жанынарда Бакиевдин куйруктары журот абайлагыла плов жеп калбагыла чогу олтуруп.

Комментарий калтыруу үчүн өз ысымыңыз менен кириңиз же каттоодон өтүңүз.