Жактоочу: "Чубак Жалиловго байланыштуу иштерди иликтөө токтотулган. Анын мыйзамдуу аялы эч кайда арыз жазбагандыгы аныкталган"

"Дин ишмери Чубак Жалиловдун экинчи аял алуу тууралуу билдирүү жасаганы боюнча иш жабылган. Анын курамында кылмыштын жоктугуна байланыштуу иликтөө токтотулган". Мындай маалыматты SUPER.KG порталына бүгүн, 11-январда Чубак Жалиловдун жактоочусу Акин Токталиев билдирди.

Анын айтуусуна караганда, аталган иш Чубак Жалиловду укук коргоо органдары суракка алгандан кийин эле 2-3 күндөн кийин токтотулган.

"Чубак Жалиловдун аялы Гүлнур Жалилова күйөөсүнүн үстүнөн эч жерге арыз жазбаганы жана ал маалыматтар жалган экени аныкталган. Ал эми экинчи аялы тууралуу маселеге келсек, биринчиси мыйзамдуу аялы болсо, экинчиси мыйзамсыз. Бирок никелүү аялы болгондуктан ал кылмышка жатпайт экен. Ошондуктан анын үстүнөн иликтөө токтотулган", - деди Акин Токталиев.

Эске салсак, диний ишмер Чубак Жалиловдун элден келген суроолорго жооп берип жатып экинчи аял алганын айткан видеосу тараган. Анын мындай аракети интернет колдонуучулары тарабынан катуу талкууга алынып, "Кылым шамы" борборунун директору Азиза Абдрасулова диний ишмердин айткандарын текшерип чыгып, укуктук баа берүү боюнча Башкы прокуратурага кайрылган.

Ал эми жактоочусу Чубак Жалиловду Бишкек ШИИББине эки жолу чакырышып суракка алышканын айткан.

Кийин Чубак Жалиловдун мыйзамдуу жубайы Гүлнур Жалилова "Сезим" кризистик борборуна күйөөсү коркутуп жаткандыгы тууралуу жазган арызы делген сүрөт интернетке тарап, талкуу жараткан. Бишкек ШИИББинен да Гүлнур Жалилова күйөөсүнүн үстүнөн арыз менен кайрылганы боюнча SUPER.KG порталына билдиришкен болчу.

Белгилей кетсек, бүгүн Бишкек ШИИББинин басма сөз кызматы Жалиловдун үстүнөн 2 факты боюнча иликтөө жүрүп жатканын жарыялаган.

Автор: Кенжебай Сатканалиев

15:12 11-01-2018

Жазылуу

РУБРИКАДАГЫ СОҢКУ КАБАРЛАР

08:04 2025-07-10 | Коом жана турмуш

Бүгүнкү күнгө карата аба ырайы 4 0

07:56 2025-07-10 | Түркүн дүйнө

Labubu'нун иниси: Кытайда жаңы Wakuku оюнчугу популярдуулукка ээ болууда 773 0

00:08 2025-07-10 | Коом жана турмуш

218 миң сомго чейин... Быйыл ЖОЖдордо окуу акысы канча? Тизме 2161 0

00:01 2025-07-10 | Түркүн дүйнө

Европадагы анамалдуу ысык 2 миңден ашуун адамдын өмүрүн алды 693 0

23:53 2025-07-09 | Саясат

Ташиев Салык кызматынын мурдагы жетекчисинин байлыгын айтып таң калды (видео) 2672 0

23:41 2025-07-09 | Саясат

"Бай эмеспиз жыл сайын жол жасаган..." Таластагы жолдун сапаты сынга кабылды (видео) 905 0

Архив

Комментарийлер (28)

Hadyja

2018-01-11 15:19:41

Туура.Жакшы болуптур.Бир топ ырчы эжелерибиз экинчи аял болуп,аткаминерлерибиз экинчи,учунчу аялдары менен жашап келишет.Анан эле Чубак Ажыга асыла берген туура эмес.Эн башкысы уй-булоолорду ажыраштырган жок.Ансыз желе ажырашуу коп болуп атат элибизде.Жумурткадан кыр чыгарбай,айлананы бир карап алыш керек.Ажыбызга асылгандар да биринчи туугандарын,уул-кыздарынын жашоосуна бир карап алыш керек.Бактылуу,берекелуу омур Берсин Кудай Аалымдарыбызга.

+22

Kattaldym

2018-01-11 15:24:17

Комик го, экинчи аялы мыйзамсыз деп адвокаты озу айтып. Мыйзамсыз болсо жооп бериш керек да анда мыйзам алдында. Логика кайда?

-23

nurbekasr

2018-01-11 15:33:14

Чын туура сүйлөгөн адам барбы негизи Кыргызстанда.Бирөөнүн турмушуна кийлигишбей,өз жашооңорду оңдоп алгыла.Чубак ажыга тийишбегиле,ажыдай эле болуп алгылачы.Чубак ажы сизден Аллах ыраазы болсун.

+16

Too-tash

2018-01-11 15:51:10

nurbekasr, Кудай сактасын ага окшошууга... Бир катынды эптей албай жатып токол алган бироого ким окшошкусу келсин... Кудай сактасын...

-17

MUHLISA

2018-01-11 17:15:29

Too-tash,туура айтасыз сиз эч качан Чубак ажыдай боло албайсыз, күч кубатыңыз да жетпейт. Анткени ал аалым, бул нерсе ар бир инсанга буйруй бербейт ..жетпешиңизге көзүңүз жетиптир, өзүңүздүн дагы.

+10

kokboru

2018-01-11 15:44:10

Ким анда жалган маалымат таратты ошону жазалабайбы?

nemo2016

2018-01-11 15:45:53

Чубак ажыны жамандагандарга тан калам, Чубак ажынын бизге пайдасы тийсе тийет зыяны тийбейт туугандар

stimyl.kg

2018-01-11 15:46:14

Бул эми азыркы кездеги көнүмүш нерсе,атуу баштуулар күчү кызматы акчасынын арты менен кандай кылмыш ачылса же кылмыштуулугу билинсе абройуна атагына акчасына таянып ишти жаап койушат. Кандай болгон күндө да кыргызстанда тенсалмактуулук,акыйкаттык,жокко эсе,бул соттордун прокурор,тергөөчүлөрдун алдуу атактуу көрүнүктүү адамдардын абройлоруна көз каранды экени белгилүү. Жалган маалымат эместиги көрүнүп турат,болбосо абройума шек келтирди деп чычалап чыга калышчу эмес беле.

kokboru

2018-01-11 15:46:20

Кыргызстанда акыры бирөөгө ишегелиби кимге ишенели? Эмне ушундай болобереби? Анда мен деле эртең атактуу бирөөнү мисалы Сооронбайдын жакын адамы катары аны жамандап интернетке чыгарсам,анан кийин жалган экен деп,мени издебейт экен да э эч ким.

-2

admin_superstan

2018-01-11 15:57:19

Azatbek83, адамдын намысына шек келтирген билдирүүлөрдү жазууга тыюу салынат.

admin_superstan

2018-01-11 15:57:59

Too-tash, жеке айтышууларга жол берилбейт.

Tyty1990

2018-01-11 16:03:05

Ортодогу чагымчылардын кылганы деп башында эле айткам. Чубак ажы сизге чооон бакыт,ден соолук каалайм.

Jelezo

2018-01-11 16:08:01

Алса Чубак ажы алды аны мынча талкууладыңар айтбай жашыруун экиден аял алып жашагандар көп ал эмес экиден ээри бар аялдар деле бар

stimyl.kg

2018-01-11 16:12:29

Дагы беш-он күн маалымат булактарынан түшпөй күндүн темаларына айлант экен да.

-9

Salixa.

2018-01-11 16:18:27

Мен арыз кагазга ишенген эмес элем , КРда алдыңкы илимдүү аялдардын сап башында турган аял мынчалык деңгээлде пастык кылып, бир жагынан күлкүү келээрлик деңгээлде жазышы мумкүн эмес эле. Күйөсүнө капа болгон убакта да, Азиза Абдурасулова өңдүү укук коргоочуларга кайрылбашы да анык көрүнүп турган.

belka

2018-01-11 16:23:56

Salixa.,туура айтасыз.

Hadyja

2018-01-11 16:39:47

Salixa.,туура,жазган арызында ката жазылган создор бар эле.Эки тилди билген,билим алган адам андай ката создорду жазбайт эле

+10

meni_kut

2018-01-11 17:24:45

кана кечээ эле жамандап атпадынар беле

Ayjamal13021989

2018-01-11 19:01:20

Аял ала коёмун деп канча нерсеге кабылды бала чакысы деле ичинен сыздап аткандыр

-6

Комментарий калтыруу үчүн өз ысымыңыз менен кириңиз же каттоодон өтүңүз.