Москвада 5-кабаттан кулап кеткен Жаркынай Бишкекке алынып келди. Ага операцияны Сабырбек Жумабеков жасайт

Орусиянын Москва шаарында көп кабаттуу үйдүн 5-кабатынан кулап кетип ооруканада жаткан Жаркынай Юсупова Бишкекке алынып келди. Учурда ал шаардагы №4-ооруканага жайгаштырылып дарыгерлердин көзөмөлүндө болуп жатканын SUPER.KG'ге жарандык активист Дайыр Орунбеков кабарлады.

Анын айтымында, Жаркынайга операция качан жасала турганы 22-январда белгилүү болот.

"Жаркынайды 20-январь күнү "Манас" аэропортунан тосуп алып №4-ооруканага жеткирдик. Дарыгерлер кабыл алып, ооруканага жайгаштырышты. Операцияны профессор Сабырбек Жумабеков жасайт экен. Ал киши эртең кыздын абалы менен таанышып, андан соң операция жасалчу күнүн тактайт", - деди Орунбеков.

Ал эми Жаркынайдын операциясына жардам иретинде Орусияда иштеген мекендештер тарабынан 228 миң 350 рубль чогултулган.

Белгилей кетсек, Жаркынай ушул жылдын 1-январында саат 07:00дөр чамасында терезеге парда тагып жатып 5-кабаттан түшүп кеткен. Кулап түшкөндөн кийин эс учу жок абалда шаардагы ооруканалардын бирине жаткырылган. Эки күндөн кийин ал эсине келип, жаракат алган жерлерине алгачкы операция жасалган. Өзүнүн айтымында, эки буту сынып, омурткасы жана оң колу жабыркаган. Мындан улам белинен ылдый тарабы эч нерсе сезбей жатат.

Жалал-Абад облусундагы Майлуу-Суу шаарынын 29 жаштагы тургуну Жаркынай 10 жылга жакын убакыттан бери Орусияда иштеп келген.

Автор: Жамалидин Парманкулов

15:16 21-01-2018

Жазылуу

РУБРИКАДАГЫ СОҢКУ КАБАРЛАР

01:54 2025-07-02 | Түркүн дүйнө

Ийри чуркоо... Трамп кармоочу жайдан качууну көздөгөн мигранттарга кеңеш берди (видео) 59 0

01:23 2025-07-02 | Түркүн дүйнө

Путин менен Макрон 3 жылдан соң телефон аркылуу сүйлөшүү өткөрүштү 116 0

01:13 2025-07-02 | Түркүн дүйнө

Трамп Илон Маскты депортациялоону караштырарын айтты 209 0

00:44 2025-07-02 | Түркүн дүйнө

Данияда айымдар милдеттүү түрдө аскерге чакырыла баштайт 209 0

00:26 2025-07-02 | Коом жана турмуш

Кечки көрүнүш... Бишкекте жасалгаланган Айтматов көчөсүнүн ачылышы жакында болору айтылды (видео) 311 0

00:15 2025-07-02 | Түркүн дүйнө

Мексиканын бир шаарынын мэри крокодилге үйлөндү (видео) 437 0

Архив

Комментарийлер (9)

mr.sher

2018-01-21 15:19:12

Шыпаасын берсин. С.Жумабеков сизге ийгилик!

+11

grace

2018-01-21 15:21:15

Айыгып кетсин ылайым мекендешибиз!

raykray

2018-01-21 15:34:28

Сакайып кет, Жумабековдон Аллах раазы болсун!

anash

2018-01-21 17:08:26

Жумабеков айбай кыйын хирург Жаратканым колдоп ийгиликту отсун

Anarik87

2018-01-21 17:50:54

Кудай шыпа берсин аман-эсен айыгып кетсин,ошончо акча топтоп берген мигрантарга рахмат.

nargiz94

2018-01-21 23:16:40

Операциясы ийгиликтуу отсун! Айыгып, басып калды деген жанылыкты кутобуз!!!

gulzat85

2018-01-22 11:00:32

Айыгып кет ийгилик

salman-dastan

2018-01-22 12:48:56

1-январь куну саат 7де кантип занавеска илсин.Москвада 8ден отуп тан атып атат го.оббоооо шылтоонордон силердин.эмнеси болсо да Аллах шыфаанды берип айыгып кет.

Kemel29101981

2018-01-22 22:14:13

salman-dastan,жашчылык-масчылык болуп кеткен го.

Комментарий калтыруу үчүн өз ысымыңыз менен кириңиз же каттоодон өтүңүз.