Ошто энеси тарабынан депкир менен катуу сабалган наристе 5 күндөн бери эсине келе элек

Ошто энеси тарабынан эсинен тангыча депкир менен сабалган 2 жаш 8 айлык наристе 5 күндөн бери эсине келе элек. Бул тууралуу маалыматты бүгүн, 7-февралда Саламаттыкты сактоо министрлигинин маалымат кызматынан кабарлашты.

Берилген маалыматка ылайык, эсин жоготуп, оор абалда Ош облустук ооруканага жеткирилген наристенин абалы дале оор.

"Балага түтүк аркылуу азыктандыруу жүргүзүлүп жатат. Аны бүгүн, эртең айыгып кетет деп айтуу кыйын. Дарыгерлер бардык керектүү аракеттерди көрүп жатышат. Бирок башынан алган оор жаракатынан улам мээсине кислород жетпей калган. Анын баш сөөгүндө майда шишиктер көп", - дейт маалымат катчы. Баласын сабаганга шектелип кармалган аял

Дарыгерлердин айтымында, наристе ооруканага келгенде денесинин табы 34 градуска түшүп, муздап калган. Тез аранын ичинде баланын дем алуусун калыбына келтиришкени менен, ал ушул кезге чейин көзүн ача элек.

Эске салсак, Кара-Кулжа районунун 23 жаштагы тургуну өзүнүн 2 жаш 8 айлык баласын депкир менен эсинен тангыча сабагандыгы маалымдалган. Кийинчерээк өздүк булактар анын сойкулук менен алектениши мүмкүн экендигин билдиришкен. Ал эми дарыгерлер эсин жоготуп ооруканага түшкөн наристенин абалы оор экенин, анын денесинде ур-токмоктон калган эски тактар да бар болгонун айтышкан. Бул факты боюнча Ош шаардык ички иштер башкармалыгы тарабынан кылмыш иши козголуп, тергөөнүн жүрүшүндө аял баласын шымына сийип койгондугу үчүн сабаганын айткан. Кийин келиндин туугандары табылбай жатканын, анын жана баласынын эч кандай документтери жок экенин Ош шаардык социалдык өнүктүрүү башкармалыгынан маалымдашкан.

Автор: Кызжибек Раимова

12:24 07-02-2018

Жазылуу

РУБРИКАДАГЫ СОҢКУ КАБАРЛАР

00:02 2025-07-09 | Саясат

Тажикстандын борборунда кыргыз ыр-күүлөрү жаңырды 336 0

23:31 2025-07-08 | Түркүн дүйнө

Дональд Трамп Орусияны коркутууга алды 1273 0

23:19 2025-07-08 | Саясат

Душанбеде кыргыз-тажик өндүрүмдөр көргөзмөсү болду. Ага эки өлкөнүн лидерлери барды 399 0

22:50 2025-07-08 | Түркүн дүйнө

Ярославль шаарында бороон бак-дарактарды кыйратып, жолдор жабылды (видео) 418 0

22:08 2025-07-08 | Коом жана турмуш

Түштүк Кореяда 123 кабаттуу эң бийик имаратта эл аралык компания менен иштешип жаткан Диана менен маек 822 0

21:43 2025-07-08 | Коом жана турмуш

Жашоо, сүйүү, каада-салт... Диана аттуу орус кызынын жүрөгүн багындырып алган баткендик мырза (маек) 1439 0

Архив

Комментарийлер (9)

raikakyz

2018-02-07 12:28:49

Оо Жараткан Аллам! Ылайым куноосуз наристеге шыпаа бере корчу.Оорудан айыгып,бактылуу жигит болушуна ырайым кыла кор. Оомийн!

+13

taalay25

2018-02-07 13:26:33

3,5 жашар кызымды эстеп журогум зыркырап кетти. Урмак тургай мудурулуп жыгылса журогун ооруйт. Кантип дити барып сабады экен?

Gulnyr19

2018-02-07 14:06:56

Оо Алла өзүң шыпаа бере көр жаш балада эмне күнөө

kechirmeni

2018-02-07 14:24:21

Кудайым озун баарына кудуреттуу затсын, ушул кичинекей куноосуз пендене шыпаа бер. Ушул макаланы окуган сайын ыйлагым келет. Эмне куноо дейм да байкуш ымыркайда. Ээн жакын ишенген адамы энеси,анан энесинин кылганы бул. Байкуш, энемен ушунчалык келтек жейм деп оюна келбесе керек эле. Байкушум ай байкушум. .. Кудайым шыпаа берип узаак жашасын, бактылуу инсандардан болсун. Энесине болсо Кудайым озу калыс зат, жазасын берсин

Tolik77

2018-02-07 14:35:32

Кудайым озу колдоп айыгып кетсин

-1

Sveta23

2018-02-07 14:45:20

Супер инфо эмне үчүн бетин жаап көрсөтөсүздөр.Бүт мамлекетебиз билсин ким экенин.Ьаланы бербеш керек болду.Бир күн өлтүрүп алат мындай мээси жоктор

taalay25

2018-02-07 15:18:17

Sveta23,тергоо иштери журуп атат азыр. Айыбын мойнуна сот гана коё алат "айыпкер" деп. Ага чейин жузун коргозгонго мыйзам жол бербейт. Коргозуп койсо сотко берсе женип алат

Baku88

2018-02-07 16:33:27

Кудай жазанды 100 эселеп берсин

evidens

2018-02-07 16:50:15

Окунгондой туру жокго бул туру сууктун.баланы кайра беретурган болсо бул дагы ушул кылыгын кылаберет.энелик укуктуан ажыратыш керек.сабаганда карап турган эжесинда сурака алгыла.

Комментарий калтыруу үчүн өз ысымыңыз менен кириңиз же каттоодон өтүңүз.