Никитенко интернеттеги пикирлер үчүн жоопко тартуу кооптуу демилге экенин айтты

КСДП фракциясынан депутат Дастан Бекешев интернеттеги пикирлер үчүн жоопко тартып, моралдык чыгым катары айыпталуучуга 20 миң сомдон жогору айып пул салууну сунуштады.

Мыйзам долбоору бүгүн, 12-февралда Социалдык маселелер, билим берүү, илим, маданият жана саламаттыкты сактоо боюнча комитетинин жыйынында каралды. Анда "Ата Мекен" фракциясынан депутат Наталья Никитенко бул демилге кооптуу экенин айтты.

"Учурда реалдуу жашоодо баары биз ойлогондой болгон жок. Учурда жарандар кеңири өз оюн айткан жалгыз эле интернеттеги социалдык түйүндөр калды. Ошондуктан мен сиздин сунушуңузга каршымын. Бул өтө кооптуу. Бул мыйзам айрым учурда башка саясий кызыкчылыктар үчүн иштеп кетиши мүмкүн. Биз кош стандарттуулукка да күбө болуудабыз", - деди Никитенко.

Эскерте кетсек, Дастан Бекешев интернетте социалдык түйүндөрдөгү билдирүүлөр, маалымат каражаттарындагы кадыр-баркка шек келтирген материалдар үчүн жоопкерчиликке тартуу боюнча мыйзам долбоорун январь айынын башында сунуштап коомдук талкууга койгон. Документ Жогорку Кеңештин расмий сайтында коомдук талкууга коюлганда интернет колдонуучуларынын арасында нааразычылыктарды жаратып, кызуу талкуулар, нааразычылыктар айтылган. Депутат кийинчерээк мыйзам долбоорунун текстинде ката кеткендигин, аны кайра толуктап иштеп чыгуу максатында кайтарып алганын билдирген. Андан соң 5-январда бул мыйзам долбоору Жогорку Кеңештин сайтынан да алынган болчу.

Автор: Мунарбек Жоргомов

16:16 12-02-2018

Жазылуу

РУБРИКАДАГЫ СОҢКУ КАБАРЛАР

09:59 2025-07-07 | Түркүн дүйнө

АКШ БРИКС уюмун колдогон өлкөлөргө кошумча бажы салыгын киргизет 45 0

09:58 2025-07-07 | Коом жана турмуш

Милиция сууга түшүүдө коопсуздук эрежелерин сактоону эскертти 26 0

09:57 2025-07-07 | Түркүн дүйнө

Трамп Газа секторундагы согушту токтотуу боюнча келишим келерки жумада ишке ашышы мүмкүн экенин айтты 48 0

09:52 2025-07-07 | Түркүн дүйнө

Ирандын жогорку лидери көптөн бери биринчи жолу эл алдына чыкты (видео) 92 0

09:48 2025-07-07 | Коом жана турмуш

ӨКМ Жумгалдагы жер көчкү тууралуу маалымат берди 109 0

09:42 2025-07-07 | Түркүн дүйнө

Түркиянын президенти Азербайжан менен Орусиянын ортосундагы чыр-чатакка комментарий берди 325 0

Архив

Комментарийлер (4)

nurgaz

2018-02-12 16:26:32

Силерге Мирзиёевдей президент керек, чыккан жеринерге киргизип жибере турган.

+15

zevs

2018-02-12 16:55:32

malades kyrgyzdardyn bawy iwtebese da seniki iwtep ketti. men keede uwul ayal deputattarga bew ketem boloturganyb betke aytyp koyot. bolboso bawyn chumkop oturgan erkekterdi kuup chygyp baaryn ayal kiwi kylyp koyso jakwy bolmok jegende da insap menen jemek

jbolotov

2018-02-12 17:58:06

386 млн доллардын дайынын билгизбей анан элда суйлобосун дегенго.

suban78

2018-02-12 20:03:56

Орустан айланса болот, дагы каапыр деп коебуз. Ыйман ушуларда, орустар тиги дуйнодо бейишке кирет, биздин Алла деп коюп жаман иштерди кылып жургондорубуздон коро.

Комментарий калтыруу үчүн өз ысымыңыз менен кириңиз же каттоодон өтүңүз.