Эл ташып баратып видео көргөн маршруттун айдоочусу 200 сом айып төлөп, жумушунан бошотулду

Буга чейин интернетке Бишкектеги №204-маршруттук таксинин айдоочусу эл ташып баратып планшетинен видео көрүп жатканы боюнча видео тараган. Бүгүн, 19-февралда ал айдоочу табылып, жумушунан бошотулганын SUPER.KG'ге Шаардык транспорт башкармалыгынын башчысынын орун басары Нурлан Атыканов кабарлады. Ошондой эле ал айдоочу бул аракети үчүн Жол кыймылы коопсуздугун камсыздоо башкы башкармалыгы тарабынан 200 сом айыпка жыгылганын айтты.

"Бул боюнча Шаардык транспорт башкармалыгы кызматтык иликтөө жүргүзүп чыгып, айдоочу Эсенбек Тиленчиевди иштен кетирүү боюнча "Восточный экспресс" ишканасынын жетекчисине тапшырма бергенбиз. Ишкана аны жумуштан бошотту. Ал эми бул аракети үчүн Тиленчиев Жол кыймылынын коопсуздугун камсыздоо башкы башкармалыгы тарабынан 200 сом айыпка жыгылып, айыбын төлөдү", - деди Атыканов.

Бирок Атыканов айдоочу Тиленчиев кайра башка ишканага жумушка орношуп алышы мүмкүн экендигин айтты.

"Бизде эл ташууга кызмат көрсөткөн ишканалар көп болгондуктан, ал башка фирмага жумушка орношуп алышы мүмкүн. Бирок №204-маршруттук каттамда иштей албайт", - деди ал.

Белгилей кетсек, 14-февралда да SUPER.KG порталына окурман №220-маршруттук таксинин айдоочусу телефонуна алаксып бара жатып, башка унааны сүзүп ала жаздагандыгын билдирген. Ал Артур Токтосунов аттуу айдоочу экендиги аныкталып, мындан ары мындай кадамга барбай турганын убадалаган.

Автор: Жамалидин Парманкулов

21:41 19-02-2018

Жазылуу

РУБРИКАДАГЫ СОҢКУ КАБАРЛАР

11:43 2025-07-06 | Түркүн дүйнө

Өлүм менен аяктаган селфи 253 0

10:41 2025-07-06 | Кылмыштар, кырсыктар

Чет өлкөлөрдөн психотроптук дарыларды ташууга шектелген жаран кармалды 525 0

10:03 2025-07-06 | Түркүн дүйнө

Илон Маск "Американын партиясы" аттуу үчүнчү саясий партияны түзгөн жатат 528 0

09:15 2025-07-06 | Коом жана турмуш

Бүгүнкү күнгө карата чет элдик валюталардын курсу 454 0

09:14 2025-07-06 | Коом жана турмуш

Жайлоодо туристтерди чакырып, даамдуу тамактарды жасаган "чабан бала" менен маек 4516 0

18:13 2025-07-05 | Түркүн дүйнө

Трамп TikTok'ту сатып алуу келишими даяр экенин айтты 1401 0

Архив

Комментарийлер (6)

Elnura1997

2018-02-19 21:46:05

200 сом ото коп айып пул толоптур Кыргызстандын тышкы карызын жаба турган

+22

Respect.

2018-02-19 21:49:20

Elnura1997, мен дагы ошону айтайын дедим эле, 200 сом өтө эле көп сумма..

+16

zahid

2018-02-19 22:01:58

2000 десе коп дейсинер бекерчилер сын тагып отура бергиле

-14

Too-tash

2018-02-19 22:26:32

ГАИшниктер каякты карап отурат?!! Интернетке видеосу тарап, факт на лицо турса, коргон чарасы болгону 200 сомдук штрафбы?!! Озу Кыргызстанда 200 сомдук штраф озу калбады эле го?!! Уят эле ГАИшниктерге, пара алып эл козуно 200 сом штраф жаздык деп ачыгын айтпайсынарбы?!!

Мындай жол кыймылын козомолдонон башкармалыкты жоюп салуу керек, профессесионалдуулуктун "п"сын билбеген, коррупцияга белчесинен баткан!!!

Ал эми тиги айдоочуга 3 жылга унаа айдоого тыю салуу керек!

omurbek1990

2018-02-19 22:57:21

Too-tash, ошончолук кыйын болсон Гаиге кирип иштеда, (албетте чыдасан) апанын колтугунда отуруп алып телефондон сындай бербей. 200 сомдук штраф бар, билбесен ачып оку.

Aziret97

2018-02-19 23:03:12

Байкуш 200 сомду каяктан табат экен эми

Комментарий калтыруу үчүн өз ысымыңыз менен кириңиз же каттоодон өтүңүз.