Апрель окуясы боюнча 22 жылга соттолгон Нурлан Темирбаевдин абакта тарткан сүрөттөрү

29-мартта эркинен ажыратылып, жаза мөөнөтүн өтөп жаткан адамдардын тарткан сүрөттөрү жана колго жасаган буюмдары Бишкектеги мейманканалардын бирине көргөзмөгө коюлду. Алардын арасынан Апрель окуясы боюнча 22 жылга соттолгон Нурлан Темирбаевдин тарткан сүрөттөрүн да кезиктирүүгө болот.

Бул көргөзмөгө Темирбаевдин жалпы 18 эмгеги коюлса, анын баарын боёк менен тарткан. Айрымдарында өзүнүн абактагы абалын көрсөткүсү келсе, көпчүлүгүндө жаратылыш чагылдырылган.

Нурлан Темирбаев кандай жагдайдан улам сүрөт тартуу менен алектенип жатканын Темирлан аттуу уулу SUPER.KG'ге айтып берди.

"Атам аскердик окуу жайында окуганга чейин көркөм-сүрөт билимине ээ болгон. Бирок аскердик окуу жайды аяктап, күч түзүмүндө иштеп калгандан соң сүрөт тартуу менен алектенбей калган экен. Апрель окуясы боюнча камакка алынгандан кийин мага керектүү каражаттарды алдыртып, кайрадан сүрөт тартуу өнөрүн баштаган. Бул жерге жалпы 18 сүрөтүн алып келдик. Мунун баары үйдө илинип турган. Анткени тартып бүткөндөн кийин мен алып кетип рамкага салып илип коём. Айрым учурда тааныштарга белекке берип жүрөбүз. Өзүнүн жанында дагы бар болуш керек", - деди уулу Темирлан.

Мамлекеттик күзөт кызматынын жетекчисинин мурдагы орун басары Нурлан Темирбаев 2010-жылы 7-апрелде бийликке нааразы болуп чыккан элге каршы ок чыгарууга буйрук берген деп табылып, 22 жылга эркинен ажыратылган. 6 жыл УКМКнын тергөө абагында отуруп, 2 жыл мурун №27-колонияга которулган.

жаңыланды 07:41 30-03-2018
кошулду 19:52 29-03-2018

Автор: Жамалидин Парманкулов
Фото: Жамалидин Парманкулов

Жазылуу

РУБРИКАДАГЫ СОҢКУ КАБАРЛАР

13:52 2024-04-24 | Кылмыштар, кырсыктар

Оштун борборундагы 4 кабаттуу үй жер тилкеси менен мамлекетке кайтарылды 59 0

13:34 2024-04-24 | Саясат

Садыр Жапаров Курманкул Зулушев менен Мелис Тургунбаевге сөгүш жарыялады 326 0

13:11 2024-04-24 | Коом жана турмуш

Өлкөдө 1-майдан тартып электр энергиясына болгон тарифтер жогорулайт 245 0

13:00 2024-04-24 | Түркүн дүйнө

Казакстанда аскерге кеткен уулун 28 жыл күткөн эне акыры жолукту (видео) 1061 0

12:43 2024-04-24 | Коом жана турмуш

Эртең Бишкектин бир бөлүгүндө суу берилбейт 171 0

12:17 2024-04-24 | Саясат

Депутаттар ӨКМнын Жогорку Кеңеште маалымат беришин талап кылды 246 0

Архив

Комментарийлер (5)

ekaterinburg

2018-03-29 20:00:03

Жакшы тартат экен..."Талантымды эле аркалап журо берсем болчу экен"-деп окунуп жатса керек.

+15

Kanybek121195

2018-03-29 20:01:52

Художник турбайбы.

+14

Jelezo

2018-03-29 20:10:40

Ок провакация кылыш үчүн азыркы бийликте отургандар уюштурган болуш керек бийлике келиш үчүн

+14

jbolotov

2018-03-30 01:51:55

Бакиев мыйзамдуу президент болгон, бийлик окулдорун, ак уйду коргоо мамлекеттик кузот кызматынын туз иши болгон. Солдат буйрукту так аткарса ал кылмышкер эмес, берилип сатып кетбеген кызматын аткарган адам чыныгы адам. Чынгыз хан биринчи кезекте сатып кеткендердин башын алган. Бвшка бийлик келсе акталатко.

+12

Birimdik5555

2018-03-30 11:00:46

jbolotov,акталып чыкса экен,эки доо урушса ортодогу чымын олот болбой

Комментарий калтыруу үчүн өз ысымыңыз менен кириңиз же каттоодон өтүңүз.