ЭЛДИК КАБАР: Ош шаарынын тургундары заводдун түтүнү ден соолукка терс таасир берет деп кооптонушууда

"Ош шаарындагы Курманжан датка көчөсү менен Навои көчөсүнүн кесилишине жакын жерде завод жайгашкан. Угушубузча, ал жерде желим буюмдарды чыгарышат экен. Эртеден кечке заводдон кара түтүн чыгып турат. Жакын жайгашкан үйлөрдүн жашоочулары резина жыттанган түтүн менен дем алып калдык", - деп жазылат "Элдик кабарга" келген катта.

Окурмандын айтымында, аталган мекеменин иштеп жатканына бир жылга жакындап калды.

"Заводго жакын жашаган тургундар анын ээси менен жолугуу үчүн барып жолуга албадык. Бул боюнча шаардык мэрияга да кайрылганбыз. Ар дайым кара түтүн менен дем алуу биздин саламаттыгыбызга терс таасир берет", - деген ал.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.

Автор: Кызжибек Раимова

08:55 17-04-2018

Жазылуу

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 266 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 1187 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1194 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 475 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 593 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 932 0

Архив

Комментарийлер (11)

Jigit.1982

2018-04-17 09:12:03

Эми аран иштеп жаткан заводту да жаптырып салгыла. Завод фабрика болбосо кайдан онугобуз. Желим ботолколорду элден сатып алып кайра иштетип жатат. Кыргызстандын абасын булгайт деп эч нерсе салбай бут баарын импорттоп отура берели, орусиядан кул болуп иштеп тапкан акчага.

tynara81

2018-04-17 09:32:55

Jigit.1982,ошол жытты бир күн эле жыттасаңар, ушинтип жазганыңарды көрөт элем. Андай зыяндуу жыт чыккан заводду шаар четине куруш керек. Биз ошол базарда иштейбиз. Кантип ошол түтүнгө, жытка чыдап отурабыз.

terabait

2018-04-18 10:47:56

Jigit.1982,Туура чукулай берсек онукпойбуз бирок баары мыйзамдын жолунда болгон жакшы да завод фабрикалар учун атайын зона бар ошол жерден каалашынча ондуро берсин.

tynara81

2018-04-17 09:29:20

Эки күндөн бери базарга барып, маршруттан түшөөр замат күйгөн резинанын жыты мурдуңа жармашып, дем алуу кыйындап калды. Бирөөнүн резина заводу деп эл ууланышы керекпи? Андай заводдорду шаар сыртына, эл жок жерге куруш керек. Бир жылдан бери иштеп жаткан болсо эмне үчүн жытын эми сезип атабыз? Жытына чыдаш өтө кыйын

Gulzat-88

2018-04-17 10:06:40

Мындай заводдорду эл жашабаган,шаардын четине салыш керек.

urmat94

2018-04-17 10:17:22

Туура ошол жактан отуп калсан дем алалбайсын анын жанында борбордук базар бар эл эн коп ошол жакта журот жаптырыш керек элге зыяны тийип атат

Azat.97

2018-04-17 10:25:38

Оштук туугандар койгулачы айланайын.Мунунар Ак-Ордодогу банядан чыккан тутунго жетпейт экен.Жон эле ызылдай бересинерби.Кара тутун десе ТЭЦ ти элестетип кетиптирмин.

traveler

2018-04-17 11:13:22

Дуйнодо чоң шаарларда бут заводдор иштеп жатат. Ушинтип чукуй берсенер каяктан онугосунор? Али уюлдук операторлордун станциясын зыян деп чыгасынар, али башканы. Шаарда канчалаган автолор тутун чыгарып атат, аларды корбойсунорбу эмне? Азыр адамдар только озун ойлошот, башкаларды же мамлекетти эмес.

traveler

2018-04-17 11:16:04

Бул асманга чыгарат экен тутунун, жерге эмес. ТЭЦти да жаптырып алгыла анда, ал мындан 100эсе абаны коп булгайт.

bond02

2018-04-17 11:28:21

тутунду фильтрлеп чыгарат эле го негизи заводдордо.

tynara81

2018-04-17 17:04:43

Бүгүн жыттанбай эле калды. Буга чейин деле жыттанчу эмес. 1-2 күн аябай жыттанды, жытына чыдагыс болуп. Ошондон улам эл чыкты. Фильтри бузулган окшойт анда ошондо.

Комментарий калтыруу үчүн өз ысымыңыз менен кириңиз же каттоодон өтүңүз.