super.kg logo

Айдай Чоноева: "Базар-Коргон базарындагы сатуучулар арасындагы чырды басуу үчүн барып, чагымчылдыкка кабылдым"

 

Буга чейин Базар-Коргон базарындагы Чинара Гуламидинова аттуу соодагер сабалганы тууралуу маалымат жарыяланган. Ал: "Базардын башчысы үстөмдүк кылып, акча талап кылат. Аны берүүдөн баш тартсам, ур-токмокко алышты", - деп билдирген эле. Бул боюнча Ж. аттуу жетекчинин кызы, базар башчысы Айдай Чоноева окуяны SUPER.KG порталына төмөндөгүчө баяндап берди.

"Базарда кардар менен сатуучунун же болбосо сатуучулардын өз ара пикир келишпестиги орун алып келет. Бирок аталган чыр чынында көп жылдан бери уланууда. Чинара Гуламидиновага карата базар жетекчилигине башка сатуучулар тарабынан көптөгөн арыздар түшкөн. Бул окуяга чейин эскертүү менен гана чектелип келчүбүз. Ал иштеткен дүкөндүн алдында буга чейин эле сатуучулар ишкердик жүргүзүп келишкен. Бир күндө эле аталган жайга соодагерлерди чыгарбай чыр салып жатканын угуп, базарга баргам. Чырдашкандарды элдештирүү максатында барып, чагымчылдыкка кабылдым", - дейт Айдай Чоноева.

Анын айтуусуна караганда, ишкер Гуламидинованын сабалышына анын эч кандай тиешеси жок.

"Мен көп учурда балдарым менен үйдө отурам. Базарга кээ бир күндөрү барып, кабар алып турам. Видеодогу талашка түшкөн жерде мурда эле сатуучулар соода кылып келишкен. Биз барган учурда эч кимди жолотпой чырдап жаткан экен. Мен барганда чагымчылдык кылып видеого тартып алган. Ал эми мени "рэкет балдарына сабатты" деген маалымат жалган.

Анткени аны эч ким сабаган эмес. Жеке менин, базар башчысы катары эч кандай тиешем жок. Видеодогу балдар - рэкет эмес, жөнөкөй карапайым балдар. Алар да базардын катардагы кызматкерлери. Чинара эжеге ал балдардын бири да кол көтөргөн эмес. Буга чейин 400-500 сомдон төлөм алып келишкен деген маалымат да жалган. Анын базардагы башка сатуучулар менен чыры райондук аксакалдар сотуна чейин жеткен. 5 жылдан бери орун алган бул чырда аксакалдар соту Чинара Гуламидиновага акыркы жолу эскертүү берген. Ага карабай башка сатуучулар менен чырдашып келет. Бул жерде эл менен чырдашып, базар жетекчилигине куру дооматтарды коюп жатат", - деп кошумчалайт базар башчысы.

Ал эми Базар-Коргон райондук аксакалдар кеңешинин төрагасы Абдибаит Тойчиев сатуучулардын чыры боюнча төмөнкүлөрдү билдирди: "Аксакалдар кеңешинин төрагалыгына мен жаңы шайландым. Бирок базардагы чыр маселеси менен сатуучулар мага да кайрылышты. Мурдагы төрагага да кайрылган экен. Элди дүрбөлөңгө салган маселе сөзсүз түрдө каралат".

Жалал-Абад ОИИБинин басма сөз катчысы Самара Кыдырова аталган маселе боюнча атайын түзүлгөн комиссиянын корутундусу чыга электигин айтты.

"Арыздануучунун соттук-медициналык экспертизасы толугу менен чыга элек. Жыйынтыгы чыккан соң толугу менен укуктук баа берилет", - деп кошумчалады катчы.

 


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг -4 
Комментарийлер(3)
18.04.2018. 15:08 
Тайпасы:
Жаран
Комментарийлердин саны:
44
Катталган:
18-04-2017
Соӊку аракети:
14-11-2018 22:34
Жынысы:
Белгисиз
+4
Дурболонго салып дейт го. Дурболонго салбаса каралбайтпы э.
18.04.2018. 16:23 
Тайпасы:
Жаран
Комментарийлердин саны:
73
Катталган:
17-10-2016
Соӊку аракети:
06-07-2018 23:57
Жынысы:
Белгисиз
+2
Мен ишенбедим бул келинге тооба окуносун, окуносун деп айкырган аял Эми мага доомат кылтат деп чыгыптыр
19.04.2018. 00:33 
Тайпасы:
Жаран
Комментарийлердин саны:
57
Катталган:
11-04-2016
Соӊку аракети:
22-06-2018 13:38
Жынысы:
Белгисиз
+1
Кылмыш иши козголсо бул деле ооруп балнитцага жатып алат
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
117550;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: