Мэрия "Ош базарындагы" өрттөн жабыр тарткандарга акчалай жардам көрсөттү

Мэрия "Ош базарындагы" өрттөн жабыр тарткандарга акчалай жардам көрсөттү. Бул тууралуу Бишкек шаардык мэриясынын басма сөз кызматы билдирди.

Маалыматка ылайык, "Ош базарындагы" "Берекет" соода түйүнүндө тилсиз жоодон жабыр тартып, товары күйүп кеткен 488 соодагерге 10 миң сомдон акчалай жардам көрсөтүлдү. Ошондой эле өрттөн жабыр тарткандарга мэрия "Берекет" соода түйүнү менен биргеликте аталган борбордон, Кулиев көчөсүнөн, Киев көчөсүндөгү жер алдындагы өтмөктөн соода кыла турчу жер бөлүп берген. Экспертизанын бүтүмүнөн кийин "Берекет" базарынын администрациясы кыска аралыкта оңдоп-түзөө иштерин бүтүрүүнү пландоодо. Ал эми күйүп кеткен жерлер жасалгандан кийин кайра ошол ээлерине берилери айтылды.

Айта кетсек, 19-апрелде шаар мэри Албек Ибраимов соодагерлер менен жолугуп жардам берүүнү убада кылган.

Эскерте кетсек, 13-апрелде "Ош базарындагы" "Берекет" соода түйүнүнөн түнкү саат 3:00дөр чамасында өрт чыккан. Өрттү өчүрүү үчүн 14 техника жана 96 өрт өчүрүүчү кызматкерлер тартылган. Алдын ала алынган маалыматтар боюнча, базардын 5 миң 400 чарчы метр жери күйүп кеткен. Өрт катталганын уккан айрым соодагерлер эртерээк келип, контейнердеги товарларын сыртка чыгарууга аракет кылышкан. Айрым сатуучулардын товарлары дээрлик күйүп кетип, күлгө айланган.

Буга чейин да "Ош базарынан" 2 ирет өрт чыгып, соодагерлер материалдык чыгым тартышкан. ӨКМ биринчи жолку кырсык өрт коопсуздугу сакталбаган электр зымдарынан чыкканын, 2-жолкусунда атайын кимдир бирөө тарабынан өрттөлгөнүн билдирген. Алдын ала айтылган маалыматтар боюнча, бул ирет да базар атайын өрттөлүшү мүмкүн экенин аталган мекемеден билдиришкен.

Автор: Айзада Тураркулова

07:37 27-04-2018

Жазылуу

РУБРИКАДАГЫ СОҢКУ КАБАРЛАР

23:41 2025-06-26 | Саясат

“Ыкчам-иликтөө ишмердиги жөнүндө” мыйзамга кол коюлду 488 0

23:28 2025-06-26 | Түркүн дүйнө

Куба президенти ЕАЭБ өлкөлөрүнүн товарлары үчүн аралда логистикалык борбор түзүүнү сунуштады 473 0

23:19 2025-06-26 | Саясат

Жапаров IV Евразия экономикалык форумунун пленардык сессиясында сөз сүйлөдү 405 0

22:26 2025-06-26 | Коом жана турмуш

27-июнга карата аба ырайы 529 0

22:11 2025-06-26 | Коом жана турмуш

Блог: Мен көргөн Анталья: күн, деңиз, тарых жана сезимдер 1893 0

21:36 2025-06-26 | Түркүн дүйнө

Түндүк Корея “дүйнөлүк деңгээлдеги” курорттун курулушун аяктады 1737 0

Архив

Комментарийлер (13)

Jojosh

2018-04-26 20:20:55

10 мин сом))) Жакшы жардам экен. Алардын бир товарынын баасы 10 мин турат. Миллондогон товарын орттоп туруп анан берген жардамы м.н шылдындаганыбы????

+18

nemo2016

2018-04-26 20:20:30

Jojosh,туура айтасын

Bale

2018-04-26 22:35:04

Jojosh,эми аны м. н бир айлык айлыгы дегендей да.. ушул 10000 менен жашай тур дегени.. жэ не баарына миллион берип чыкмак беле? эч нерсе жакпайт э негизи эле

buran12

2018-04-27 14:28:11

Jojosh, причем здесь Мэр вообще-то администрация рынок надо отвечать за всё спасибо надо сказать у Мэрии!

tmttmt

2018-04-26 20:28:58

үч күн муурун ош базарында болдум,
байкуштар ыйлактап метр менен бир метрден жер бөлүштүрүп жүрүшөт..
бор менен ар биринин атын чийгилеп ченелген жерге
ошол жердеда шылуундар кошула калып места талашмай....

Optima

2018-04-26 21:12:33

Кочот алса 9000сом ал эми жардамга 10000сом берет)))

+16

oruktu_city

2018-04-26 22:32:52

10000 ден бербегенде 1 млн берсинби ойлонсонор кичине 450 дой киши болсо ошонун баарына жеткизишти айтсанар ...шаардын бюджетинде анча акча болбосо керек

asman.81

2018-04-26 22:52:38

Бир кочоттун акчасын бериптир да,Албек мырза!!!

Bolunbo.kyrgyz

2018-04-26 23:02:53

Супер инфо бишкектин кочолорун шыпырган адамдарга мамлекеттен ар бирине 20 000 мин сомдон айлык болунот экен. Анан мэрияда иштегендер жумушчуларды алдап 10 000 мин 12 мин сомдон толошот экен. Ушул бойунча маалымат алып бересиздерби??

admin_superstan

2018-04-27 11:15:52

Bolunbo.kyrgyz,
Саламатсызбы! Сунушуңузду эске алабыз, рахмат.

nur...nur.

2018-04-26 23:57:47

10 мин сом жардам, кийин айтат жардам берилген деп зато

nelya88

2018-04-27 08:19:05

Почти 5 млн бөлүп берген турбайбы, рахмаат

altyn7776

2018-04-27 09:35:06

Базардын ээлери эмне жардам бербейби？Атканадай кылып, эч шарты жок арендага беришет. Орттолду деп атайы бутум чыгаргандан кийин орт коопсуздугуна шайкеш келбейт деген да бутум чыкты. Демек, базар башчылары да компенсация толосун да！ А Албектин бийлиги бир кочоттун акчасын берет да. Бул коррупционер минтип бир кочотту 9000 сомго тигип байыбаса 30 миллион сомдук жерлерин кантип Атамбаевге сатмак эле？

Комментарий калтыруу үчүн өз ысымыңыз менен кириңиз же каттоодон өтүңүз.