Сотто Райымбек Матраимовду кайра Бажы кызматынын төрагасынын орун басарлыгына дайындоо суралды

10-майда Бишкек шаарынын Биринчи Май райондук сотунда мурдагы премьер-министр Сапар Исаков менен Мамлекеттик бажы кызматынын төрагасынын мурдагы орун басары Райымбек Матраимовдун иши боюнча соттук отурум өттү.

Анын жүрүшүндө жактоочу Татьяна Карыжинская "ооруп жатканына байланыштуу ишке чыкпай жаткан Матраимовду кызматтан алууга өкмөт башчынын укугу жок болчу" деп айтты. Андан соң ал Матраимовдун мыйзамсыз жумуштан кетирилгени боюнча жүйөлөрдү келтирди. Анын айтымында, премьер-министр Матраимовду кызматтан алуу буйругун анын саясий органдар менен жүргүзгөн иши саясатка ылайык келбейт деп негиздеген. "Мен жактап жаткан адам саясий кызмат менен алектенбейт. Ал мамлекеттик административдик кызматты ээлеген жана саясий чечимдерди кабыл алган эмес. Анан кантип анын саясий органдар менен жүргүзгөн иши саясатка ылайык келбейт? Биз Матраимов негизсиз бошотулган деп эсептейбиз", - деди Карыжинская.

Ал эми экинчи тараптан Сапар Исаковдун жактоочусу эмес, өкмөт өкүлү катышууда. Соттук отурумда өкмөт өкүлү менен Бажы кызматынын өкүлү карама-каршы көрсөтмө беришти. Бажы кызматынын өкүлү Матраимовду кызматтан бошотуу боюнча мекемеден сунуштама берилбегенин айтса, өкмөт өкүлү каршы пикирин билдирди. Анын айтымында, премьер-министрдин дарегине сунуштама берилген.

Жактоочу Карыжинская өз сөзүн айтып бүткөн соң соттон Матраимовду кайра өз кызмат ордуна дайындалышын өтүндү. Бирок өкмөт өкүлү материалдар менен таанышып чыгуу үчүн убакыт берүүнү сурангандыктан ишти карап жаткан сот Алмаз Калыбаев отурумду 17-майга жылдырды.

Эске салсак, Исаков Матраимовду 2017-жылдын 23-ноябрында "иши саясий жетекчиликтин чечимдерине жана жүргүзгөн саясатына каршы келет" деген жүйө менен Бажы кызматынын төрагасынын орун басарлыгынан алган. 26-апрелде Матраимов "мени негизсиз жумуштан алды" деп Исаковду сотко берген.

жаңыланды 07:30 11-05-2018
кошулду 15:45 10-05-2018

Автор: Жамалидин Парманкулов

Жазылуу

РУБРИКАДАГЫ СОҢКУ КАБАРЛАР

22:38 2024-04-26 | Кылмыштар, кырсыктар

Токтогулдун 60 жаштагы тургуну баңгизат менен кармалды 279 0

21:37 2024-04-26 | Саясаттагы соттук иштер

Шайлообек Атазов депутаттык мандаты боюнча Жогорку сотко кайрылды 752 0

21:23 2024-04-26 | Коом жана турмуш

Бишкекте техникалардын дөңгөлөгүн жуучу жабдуу орнотпогон курулуш компаниялары жабылат 478 0

20:49 2024-04-26 | Кылмыштар, кырсыктар

Ысык-Көлдө 17 жылдан бери издөөдө жүргөн шектүү кармалды 805 0

20:11 2024-04-26 | Коом жана турмуш

"Күтүп калбаңыз". Бишкекте бүгүн 20:30дан кийин №5 троллейбус токтотулат 401 0

19:54 2024-04-26 | СОТТУК ИШТЕР

Тилек Матраимов үй камагына чыгарылды 1241 1

Архив

Комментарийлер (31)

karakulja

2018-05-10 12:05:12

1 фура телефонду салфетка деп алып откон ушул ххххх да.

+17

Ferdews

2018-05-10 12:05:39

Келбей эле койсун, кылган иштери учун жооп берсин!

+12

Ermekbai

2018-05-10 12:27:12

Күндө түшүп турган милиондор көзөнөн өтүп жүрөк оору болойн деп калды окшойт бечара.

+12

warrior96

2018-05-10 12:27:17

Акчасы калбай калса керек ....???

jbolotov

2018-05-10 13:03:30

Кыргызстанда ызы чуу коррупция менен кеткендер кайра кызматка отурса тан калбашыбыз керек, бизге мамлекеттин кадыры ото элекда, конулкошбуз. Экономика министри болуп экономикалык осуш жок артка кетседа Сариев убагында Премьер министр болуп чонойдуго. Кайсы эмгеги учун??? Значит бизде болоберет.

Mehazahn57

2018-05-10 13:21:09

Мунун аты эле айтып турбайбы миллион деп. Мамкызматкерде мынча акча кайдан? Жиндиге деле тушунуктуу болсо керек. Жеенбеков Раимдин акчасы менен президент болду, эми карыздан кутулуш керек да. Жеенбековду жакшы иштеп баштады деп ойлоп жаткам, эгер Раим ордуна келсе, Жеенбековдон тунулсо болот.

TazaKyrgyz

2018-05-10 15:17:28

Mehazahn57,тууганым мен ойлогон ойду айттын.Раим миллиондун арызын карамак тугул озун соттош керек эле.Эл айтса калп айтпайт деген чын го Жээнбековдун кишиси окшойт

Nazic

2018-05-10 14:51:47

Туура, шамал болбосо теректин башы кыймылдабайт да... сокеге раим миллион акча чачкан президенттике талапкерлигин койгондо деп айтып эле журуштуго ошто, демек жемейдин кусмайы бар кайра барып ордуна турат... чогултпайбы чачкан акчаны 3-4 эселеп

Alixan-Nookat.2015

2018-05-10 18:06:26

Эмне бажы кызматынын жетекчисинин орун басары кызмат орду анын менчиги бекен жон эле жүрө бербейби

anonymous

2018-05-10 20:14:07

Раим миллион эки талапкерге шайлоодо спонсор болгон кимиси өтсө дагы утам деп анысы билинип тутулуп калды

Nurtilek001

2018-05-10 22:09:52

Бул жегичти кайра ордуна коюштун кажети жок,мурдагыдан бетер жейт, андан коро бул акмакка иш козгоп, олчойгон каражат ондуруп, ушуга окшогондордун баарын сыгып тышкы карыздан кутулуу керек, бирок ишенич жок, соке бийликке келди, сотторун мыйзамсыз иштен алган деп бул жегичти ордуна алып келип коюшу мумкун, андай кыла турган болсоле анда соке чон катачылык кетирип эл душманы экенин айгинелеп коет.

tular

2018-05-10 23:23:47

Эл журт качанкыга чейин биздин ырыскыны жеп жыргай бериш керек бул манкурттар!!!
Келгиле, эгерде Раим миллион соттон женип чыкса митингке чыгалы...
Раим миллионду сот суракка алсын, 1 айда 10 миллион сом кайда???
Митинг кылып чыкпайлыбы!!!

nurik903

2018-05-11 10:02:11

мадумаров учун класс

-2

Gema

2018-05-11 10:02:25

Ушу бетин табактай кылып кантип уялбай кайра келем деп атат!!!!!!!келбесин!!!!

nurkojo

2018-05-11 16:59:05

Шону тек коё бергиле эми!

alikgz

2018-05-11 22:06:55

Бут байлыгын текшерип мамлекеттик жумушка жакындатпагыла

Комментарий калтыруу үчүн өз ысымыңыз менен кириңиз же каттоодон өтүңүз.