Кадыралиева: "Депутат Келдибаев сотторго жана прокурорлорго басым көрсөтүп жатат". Келдибаевдин жообу

Экс-депутат Ыргал Кадыралиева депутат Сагындык Келдибаев кызматынан пайдаланып сотторго, прокурорлорго басым кылып жатканын айтты. Бул тууралуу ал бүгүн, 20-июнда маалымат жыйынында билдирди.

Кадыралиеванын айтымында, 30-майда башкы прокурор парламентте отчёт берип жатканда Сагындык Келдибаев Канжар Кадыралиевдин ишинде прокуратура кызматкерлери ага адвокат болуп жатканын, бул тууралуу фактылар бар экенин билдирген.

Ыргал Кадыралиева Келдибаевдин жеке маселесин парламентте көтөргөнүн кызмат абалынан пайдалануу жана укук коргоо органдарына кысым кылуу катары баалады.

"Сагындык Келдибаев депутат болуп келгенден кийин эки гана маселе көтөрдү. Анын бири жеке өзүнө таандык маселе болгон Канжар Кадыралиев жөнүндө. Парламентте жеке маселеси тууралуу айтканы ал кызмат абалынан пайдаланып укук коргоо органдарына карата басым кылгандыгы деп эсептейм. Мен бүгүн бул иш тууралуу тийиштүү жерлерге арыз менен кайрылам", - деди Кадыралиева.

Ал эми SUPER.KG порталы Жогорку Кеңештин депутаты Сагындык Келдибаевге байланышканыбызда, ал бардык ишти мыйзам жолу менен кылып жатканын билдирди.

"Мен башкы прокурордун отчётунда ачык нерсени айттым. Мен бардык нерсени мыйзам жолу менен карап жатам. Канжар Кадыралиев боюнча чыгарган Октябрь райондук соттун чечими туура эмес, себеби Жогорку Соттун чыгарган чечимин четке чыгарып, өзүнүн чечимин чыгарып койгон. Бул мыйзамсыз иш, анткени Жогорку Соттун чечимин райондук сот жокко чыгар албайт", - деди Келдибаев.

Айта кетсек, 2014-жылы Ош шаардык прокуратурасынын кызматкери болуп иштеп турган Канжар Кадыралиевге бир канча жаран арызданып, кийин ага карата Башкы прокуратура “бейбаштык”, “өзүм билемдик”, “зомбулук көрсөтүү менен талап кылуу” беренелери боюнча кылмыш ишин козгогон.

Автор: Бекболсун Молдояр уулу

15:38 20-06-2018

Жазылуу

РУБРИКАДАГЫ СОҢКУ КАБАРЛАР

11:09 2025-06-29 | Саясат

Чолпон-Атада ЖККУнун ТИМ кеңешинин кезектеги жыйыны өтөт 133 0

10:27 2025-06-29 | Спорт

Айпери Медет кызы Түркиядагы эл аралык турнирде жеңишке жетти 411 0

10:19 2025-06-29 | Коом жана турмуш

Бүгүнкү күнгө карата аба ырайы менен таанышыңыз 169 0

09:35 2025-06-29 | Саясат

Орусиянын тышкы иштер министри Сергей Лавров Кыргызстанга келди 1020 0

17:50 2025-06-28 | Түркүн дүйнө

The Times: Израил Иранга чабуул жасоого даярдыкты 2010-жылы баштаган 1836 0

17:28 2025-06-28 | Түркүн дүйнө

Путин Украина менен Стамбулда үчүнчү ирет сүйлөшүү өткөрүүгө даяр экенин билдирди 1371 0

Архив

Комментарийлер (7)

didu

2018-06-20 16:09:10

кайтар дуйно дейт.

Salaf

2018-06-20 16:12:02

Ушул Канжар Кадыралиевти 5 жылдан бери камай албай жүрүшөт шалаакы бийлик.

Kuba_502

2018-06-20 16:30:30

Ооба оомал-төкмө дүнүйө деген ушу да

Jelezo

2018-06-20 16:41:13

Өткөндү тапанча менен атсаң келечек сени замбирек менен атат. Убагында өзү оозун ороктой кылып кылмышка шектүү инисин кызмат абалынан пайдаланып Бишкектеги үйүндө бекитип жатбадыбы эле.

Miroslav

2018-06-20 19:37:08

Уят эле Ыргалга,калк айтса калп айтпай дейт элде. Теливиденя Куршапка барып мечиттен чыккан аксакалдардан сураган Канжар тууралу, эл бир добуштан нааразычылык айтышкан.

Nanei

2018-06-20 21:50:12

Ыргал ОЗУ канча маселе которду депутат болуп жургондо. ???? Элге бир пайдасы тийди беле???

Jyrgal_msk

2018-06-20 22:48:57

Канжар башкаларга эле эмес,озунун айылдаштарына да кордук корсотуп келген.Айылдаштарына кордук корсоткон адамды кантип ,,эл учун куйгон,мекен учун жанын берген,патриот"- деп айтабыз?Бул элине чыккынчы,душман адам болгон.Баарынан да атасы эл,журттун созун укпай,бандиттик кылган балдарына жан тартып жатты.Жазасын алсын,байлыгынын баарын казынага токсо,озунун айылдаштары эле калган жазасын беришмек.

Комментарий калтыруу үчүн өз ысымыңыз менен кириңиз же каттоодон өтүңүз.