super.kg logo
  Саясат  

Камактагы саясатчылар Бектур Асанов менен Кубанычбек Кадыров кайрадан ачкачылык жарыялашты

 

Бийликти басып алууга айыпталып камалган Бектур Асанов менен Кубанычбек Кадыров ачкачылык жарыялашты. Бул тууралуу SUPER.KG порталына "Саясий туткундарды коргоо" комитетинин мүчөсү Зульфия Марат билдирди.

Анын айтымында, Асанов менен Кадыров өздөрүнө карата чыгарылган Жогорку Соттун чечими менен бүгүнкү күнгө чейин тааныша элек.

"Мыйзамга ылайык Жогорку Соттун чечими ЖАМКнын комиссиясына расмий жолдор аркылуу жетиши керек болчу, бирок бүгүнкү күнгө чейин соттун чечими менен алар тааныша элек. Соттор мыйзамды өздөрү бузуп жатышат. Ошондуктан Асанов менен Кадыров ачкачылык жарыялашты", - деди Зульфия Марат.

2016-жылы 17-апрелде Бишкек шаарынын Биринчи Май райондук соту чыгарган өкүмгө ылайык, Бектур Асанов менен Кубанычбек Кадыров "кылмышка даярдануу" жана "бийликти күчкө салып тартып алуу" беренелери боюнча күнөөлүү деп табылып, 12 жылдан эркинен ажыратылган.

Алар соттун мындай чечимине нааразы болуп №47-абакта 2018-жылдын 30-январынан 21-февралына чейин кургак ачкачылык жарыялашкан.

2018-жылы 7-июнда Жогорку Сот өкүмдү өзгөртүп, ар бирин 8 жылдан кескен.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг -1 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114638;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: