Бурулайдын өлүмү боюнча соттук отурум: Марс Бөдөшовдун жактоочусу Бурулайга сайылган бычакты көрүүгө кызыкты

Милиция бөлүмүндө бычакталган Бурулай Турдали кызынын өлүмү боюнча соттук отурум Свердлов райондук сотунда өтүүдө. Отурумда судья үч томдук тергөө ишин окуп бүттү.

Ал эми айыпталуучу Марс Бөдөшовдун жактоочусу бычакты көрүүнү жана Сосновка постундагы видеону көрүүгө кызыкты.

"Алгач бычактын узундугу 30 сантиметр деп берилген. Азыр болсо тергөө ишинде 12 сантиметр деп жазылыптыр. Биз кайсы бычакка ишенебиз. Деги бычак кайдан чыкты? Унаада жок болуп жатса, РИИБде жок болуп жатса баары күмөн санаган Марстын байпагына салып келингени жок болсо анда ал кайдан чыкты?" - деди ал.

Ал эми жабырлануучунун жактоочусу бул өтүнүчтү четке какты. Мамлекеттик айыптоочулар да бул сунушка макул болушту. Жыйынтыгында судья бул өтүнүчтү канааттандырган жок.

Бирок айыпталуучунун жактоочусу бул ишти тергеген тергөөчүнү чакырууну суранды. "Менде шек саноо болуп жатат. Себеби бычактын канча сантиметр болгону боюнча эки айырма чыгууда. Тергөөчү бычактын узундугу канча сантиметр экенин, бычакка экспертиза жүргүзүлгөнүн айтып берсин", - деди.

Ошондой эле Марс Бөдөшовдун жактоочусу сотко айыпталуучуга психологиялык экспертиза кылуу өтүнүчүн келтирди. "Марстын ошол убактагы абалын аныкташ керек. Себеби РИИБде бирөө жарым сөгүнүп өтүп кетсе, балким, жини келип кеткендир. Ушуну аныкташ керек", - деди жактоочу. Бул өтүнүчтү дагы судья канааттандырган жок.

Соттук отурум 10-декабрда саат 10:00дө уланмакчы. Анда эки тарап жарыш сөзгө чыгат.

Окуянын чоо-жайы:

Ушул жылдын 27-май күнү Бишкек шаарында жигит кызды ала качып бара жаткандыгы боюнча милицияга маалымат түшкөн. Көп узабай жигит менен кыз бара жаткан унаа Сосновка айылындагы посттон токтотулуп, Жайыл райондук ички иштер бөлүмүнө жеткирилген.

Милиция бөлүмүндө жигит кызга, андан соң өзүнө бычак сайып, оор абалда экөө тең ооруканага жеткирилген. Кыз алган жаракатынан улам көз жумган.

Каза болгон кыз 20 жаштагы Бурулай Турдали кызы, ал эми жигит 29 жаштагы Марс Бөдөшовэкендиги анык болгон. Бурулай Турдали кызы борбор шаардагы медициналык окуу жайлардын биринде окуй тургандыгын жана ушул жылдын август айында Марс Бөдөшовго эмес, башка жигитке турмушка чыгууга даярданып жатканын жакындары айтып беришкен.

Автор: Айсалкын Качкынбекова
Фото: Айсалкын Качкынбекова

17:31 29-11-2018

Жазылуу

Тектеш кабарлар:

Милиция бөлүмүндө бычакталып каза болгон Бурулай көзү тирүү болгондо эртең 20 жашка толмок. Анын көрүстөнүнө эстелик коюлду

Бурулайдын өлүмү боюнча аны ала качкан адамдын досу дагы камакка алынды

Бурулайга бычак сайган жигит Бишкектеги СИЗО-1ге которулду

"Эстен чыкпашы керек". Депутат ИИМдин алдына Бурулайдын эстелигин орнотууну сунуштады

Бурулайдын өлүмү боюнча соттук отурум: Жабырлануучу тарап айыпталуучу тараптан 2 миллион сом талап кылды

Бурулайдын өлүмү боюнча соттук отурум: Айыпталуучунун унаасын токтоткон кызматкер Бурулай бизден "ала качып баратат" деп жардам сураган эмес дейт

Райондук соттун чечими менен макул эмес. Бурулай Турдали кызынын өлүмүнө айыпталгандар Бишкек шаардык сотуна кайрылышты

Бурулайдын өлүмү боюнча соттук отурум: Марс Бөдөшовдун жактоочусу Бурулайга сайылган бычакты көрүүгө кызыкты

Милиция бөлүмүндө бычакталып каза болгон Бурулайдын өлүмүнө шектүү: "Ала качканымды моюнума алам..."

Бурулайдын өлүмү. Жабырлануучу тарап райондук соттун чечимине каршы арызданышпайт

РУБРИКАДАГЫ СОҢКУ КАБАРЛАР

18:25 2025-05-09 | Коом жана турмуш

"Ала-Тоо" аянтында Улуу Жеңиш майрамына карата концерт өтүп жатат 827 0

17:27 2025-05-09 | Супер-Инфо

Айгерим Эшим, ырчы: «Ырым сөзсүз хит болушу керек дебейм» 518 0

16:22 2025-05-09 | Супер-Инфо

Геморрой жана анын түрлөрү 549 0

15:50 2025-05-09 | Коом жана турмуш

Кызыл аянтта Кыргыздын Улуттук гвардиясы параддан өттү (видео) 1801 0

15:35 2025-05-09 | Коом жана турмуш

Парад, оюн-зоок, "Өлбөс полк"... Ошто Жеңиштин 80 жылдыгы салтанаттуу белгиленди 641 0

15:22 2025-05-09 | Түркүн дүйнө

Москванын Кызыл аянтында Жеңиш парады өттү 1188 0

Архив

Комментарийлер (6)

Missing-u

2018-11-29 17:38:01

Милицияда Эле болуп жатат иштин баары.

AIA-TOO

2018-11-29 17:42:53

Ментураларда кептин баары.

XATSAN125

2018-11-29 17:44:40

Кордум сотун марстын суйлогону эки башка эндиреп жатат.
Болоору болду асманды жерге таштаганда да пайда жок болгонун болгондой айтпайбы эркеке окшоп.
Ммм аа уууу ццццц дебей кантип унутат ошол кунду кантип унутат?Унута турган кунбу ошол кун?
Булдуруктайт акпы кокпу баары бир жазасын алыш керек кылган ишине жараша

XATSAN125

2018-11-29 17:54:24

Жактоочу эмне ал акчанын кулу да.
Акчаны коп берсен ЭШЕКТИ АТ деп айтат 100% кепилдик да буга.
Бычактын оордуна ошол кунку видео жазууну талап кылбайт бекен

XATSAN125

2018-11-29 17:59:32

Негизи бийликте иштегендерге ант бердиргенде КУРАН кошо карматыш керек да уй-було ата-эне бала-чакасын коштуруп ант алдырыш керек ошондо кичине болсо адамдык сезими ойгонсо керек ушуга окшогон иштер жен ичинде будомук болбой ачык айтылмакбы балким

Matahara1980

2018-11-29 19:30:29

XATSAN koshulam 100%

-1

Комментарий калтыруу үчүн өз ысымыңыз менен кириңиз же каттоодон өтүңүз.