Бүгүн парламент комитетинде коомдук саламаттыкты сактоо жөнүндө мыйзам долбоору каралат

Бүгүн, 21-январда парламент комитетинде коомдук саламаттыкты сактоо жөнүндө мыйзам долбоору каралат. Бул тууралуу Жогорку Кеңештин сайтына жарыяланды.

Маалыматка ылайык, баяндаманы депутат Гүлкан Молдобекова жасайт.

Социалдык маселелер, билим берүү, илим, маданият жана саламаттыкты сактоо боюнча комитетинин жыйынынын күн тартиби боюнча, жыйында 4 маселе каралат. “Мамлекеттик сатып алуулар жөнүндө” мыйзамына өзгөртүү киргизүү тууралуу” мыйзам долбоору, "Улуттук баш кийим Ак калпакка маданий символдун статусун берүү жөнүндө" мыйзам долбоору, "Коомдук телерадиоберүү корпорациясынын Байкоочу кеңешинин курамын бекитүү жөнүндө” Жогорку Кеңештин токтому каралат.

Автор: Жылдыз Джускембаева