Орусияда жакындары изделип жаткан кыргыз аялдын апасы байланышка чыгып, окуянын чоо-жайын айтып берди

Орусияда жакындары изделип жаткан Гүлнура Абдылдаева аттуу кыргыз аялдын апасы табылды. Аты-жөнү Айна Сактарова.

Ал 24-январь күнү кечинде SUPER.KG'ге Орусиянын Москва шаарынан байланышка чыгып, окуянын чоо-жайын айтып берди. Анын билдиришинче, кызы Гүлнура Абдылдаева турмушка чыгып, 2007-жылы кыздуу болгон. 2009-жылы Москва шаарындагы көчөлөрдүн биринде унаа сүзүп кетип, башына операция жасалган.

"Гүлнура Абдылдаева менин кызым. Ал 15 жыл мурун Орусияга келген. Ал учурда мен Кыргыз өлкөсүндө жашап, Бишкектеги ооруканалардын биринде иштечүмүн. Бул жакта жолдошу менен жашап жүрүп, 2007-жылы кыздуу болушкан. Бирок 2009-жылы Москва шаарынан унаа сүзүп кетип, катуу жабыркаган. Ошондуктан мен кызыма жардам берүү үчүн Москвага келгем. Алган жаракатынан улам кызымдын башына операция жасалган. Жол кырсыгынын кесепетинен анын эс-тутуму начар болуп калган. Кырсыкка кабылгандан көп өтпөй эле жолдошу кызымдын эң жакын курбусуна үйлөнүп, неберемди өзү менен кошо алып кетип калды. Азыр неберем Кыргыз өлкөсүндө чоң-ата, чоң-энесинин колунда. Жолуга албай жүрөм.

Ал эми мен кызымды таштап кетип же үйдөн кууп жиберген эмесмин. Өзүм улгайган кишини карап, тапкан каражатым менен кызымды багып келгем. 3 жыл мурун үйдөн чыгып кетип ошол бойдон кайтып келген жок. Издеп таба албай аябай санааркап жүрдүм. Жакын арада Орусиянын "Жди меня" телеберүүсүнө кайрылып, кызымды табууга жардам берүүлөрүн суранайын деп жүргөм. Бишкекте жашаган уулум кечээ кызымдын жакындары изделип жатканын окуп калып мага кабарлады. Бүгүн кызымдын сүрөтүн интернетке жарыялаган Кубан Абылкасымов менен байланышып толук маалымат алдым. Жакынкы арада кызыма барам. Кудай буюрса, жазында Кыргыз өлкөсүнө алып кетебиз", - деди Сактарова.

Сактарова кызынын жол кырсыгына кабылганы боюнча сотко кайрылып, бирок эч кандай жыйынтык чыкпаганын кошумчалады.

23-январда Кубан Абылкасымов аттуу Кыргыз жараны 37 жаштагы кыргыз аялдын сүрөтүн интернетке жарыялап, жакындарын табууга жардам берүү өтүнүчү менен кайрылган. Абылкасымовдун айтымында, сүрөттөгү аял Орусиянын жараны. Паспортунда аты-жөнү Абдылдаева Гүлнура Сүйөркуловна деп жазылган. Бир күн убакыт өтпөй Абылкасымовдун дарегине Абдылдаевага байланыштуу аны таанып-билгендер тарабынан маалыматтар келип баштаган.

Автор: Жамалидин Парманкулов

07:30 26-01-2019

Жазылуу

РУБРИКАДАГЫ СОҢКУ КАБАРЛАР

21:30 2025-07-07 | Коом жана турмуш

Бишкек-Ош унаа жолунун селден улам жабылган аймагы унаа каттамдары үчүн ачылды (видео) 178 0

20:09 2025-07-07 | Түркүн дүйнө

Орусиянын бүгүн кызматтан кеткен Транспорт министри өзүн өзү атып алгандыгы айтылууда 1469 0

19:51 2025-07-07 | Саясат

Сел жүрүп жатат... Бишкек–Ош унаа жолунун Токтогулдагы бөлүгү убактылуу жабылды (видео) 1349 0

19:43 2025-07-07 | Коом жана турмуш

"Мал десең арданат..." Бишкектин вице-мэри айдоочунун жоругу тартылган видео менен бөлүштү 1143 0

19:15 2025-07-07 | Саясат

Садыр Жапаровдун Тажикстанга аз убакытта кайра барышы боюнча түшүндүрмө берилди 1367 0

18:53 2025-07-07 | Коом жана турмуш

Буллингге кабылган балага жардам. Агартуу министрлиги социалдык ролик менен бөлүштү 315 0

Архив

Комментарийлер (13)

meni_kut

2019-01-25 10:18:51

куйоо сорой акмак ,сен да кошумча стресс берипсин да баласын колунан жулуп курбусуна уйлонуп.Стресс ,депрессия соо адамды да оорукчан кылат

+28

Pchelka85

2019-01-25 10:28:48

3 жыл мурун жоглуп кетсе, ошондон бери эшек такалап журдубу? Мына тапкысы келген киши 1 жумага жетпей таап койду. 3 жыл мурун деле соц.тармактар кудайга шугур эле иштечу эле го.. ошондо желе издесе таба алмак да. Просто кызынын жоголуп кеткени "выгодно" болду болуш керек. 3 жылда баласын жоготкон апа не то что Интернет и жерди томкоруп иймек аябай тапкысы келсе.

-9

BTFB93

2019-01-25 18:17:43

Pchelka85,отуруп алып оюңарга келгенди айта бербегилечи соц тармактар өнүккөн заманда деле канча адамдар издегенин ьаба албай эле жүрүшөт таба кылбай тообо кыл

Pchelka85

2019-01-25 19:54:48

BTFB93, мен табалаган жокмун. Просто факт остается фактом. Кыздын туугандарын издеген адам 10 кунго жетпей таап койду го....

-4

Nur777

2019-01-25 19:23:32

Pchelka85,улгайган адамга интернет менен колдонуу силерге ормок оруп,шырдак шырыгандай татаал нерсе да.

Pchelka85

2019-01-25 19:52:36

Nur777, алтыным. Улгайган адам интернетти билбесе жаштардан суранса болбойбу???

-7

barakcha

2019-01-25 20:41:49

Pchelka85,туура айтасыз.Мерээз энелер кобойду тилекке каршы.

-2

taalay25

2019-01-25 10:58:26

Кыргыз элим кор болду. Азапты тарткан билет дегендей мигранттын жашоосун мигрант болгон адам билет.

+10

Aikaaaa

2019-01-25 15:15:47

Шоруң каткыр бир байкуш экен го, энесин да убайга салып. Эгерде күйөөсүн машина сүзүп, башынан оорукчан болуп калганында, ушул аялы бакмак. Карасаң, уйдан жок, же уй байлаган жиптен жок дегендей болуп

+11

aliya-leyla

2019-01-25 15:24:49

Aikaaaa,эн туура. Эркек киши эч нерсеси иштебей калса да аял ошону омур бою багат. Бети жок эркектер шарт эле башкасын таба коюшат.

Jasa

2019-01-25 16:55:37

Апасы деле 3 жылдан бери издеп журо берипби интернет онуккон заман 10 кундо туугандары табылды го

Pchelka85

2019-01-25 19:53:41

Jasa,мен да ошону айтып жатам да. Оално апасы интернет колдонгонду билбесе.. балам бар деп атат го ошол баласын суранбайбы...

-1

munar1980

2019-01-25 17:19:31

Бир жакшынакай экен Аллахым бир дарт берсе шыпаасын кошо берет дейт шыпаасын берип Эч нерсе болбогондой болуп айыгып кетсин оомин!!!

Комментарий калтыруу үчүн өз ысымыңыз менен кириңиз же каттоодон өтүңүз.