Орусиялык укук коргоочу: "Борбор Азиядан келген мигранттар кысымга кабылууда"

Бахром Хамроев

Хусниддин Зайнобиддинов

Борбор Азиядан келген мигранттар Орусия аймагында кысымга кабылууда. Мындай пикирин орусиялык укук коргоочу Бахром Хамроев SUPER.KG'ге 25-январда билдирди. Анын айтымында, Магнитогорск шаарындагы көп кабаттуу үйдүн жана маршруттук таксинин жарылуусуна тиешеси бар деп шектелген адамдарды кармоо жакынкы убакыттан бери күч алды. Алар менен бирге Хусниддин Зайнобиддинов аттуу Кыргыз жараны да кармалып, учурда Магнитогорсктогу №2-тергөө абагында жатат. Бахром Хамроев анын укугун коргоп, эл аралык уюмдарга кайрыла турганын белгиледи.

"Зайнобиддинов 16-январь күнү эртең менен үйүнөн чыгып бараткан учурда Магнитогорск шаарында Федералдык коопсуздук кызматы тарабынан кармалып кеткен. Аялынын айтып бергенине караганда, ал жерде Зайнабидиновго сакалчан адамдардын сүрөтүн көрсөтүп, алар кимдер экенин сурашкан. Зайнабидинов сүрөттөгү адамдарды буга чейин көрбөгөнүн, таптакыр тааныбай турганын айткан. Бирок укук коргоо органынын кызматкерлери анын үстүнө кирпич тизип электр тогу менен урдурушкан. Эси ооп калганда үстүнө суу куюп, эсине келгенде кайра кыйнашкан. Кийин аны Орджоникидзе райондук прокуратурасына алып барып, ал жерде Кыргыз өлкөсү тарабынан эл аралык издөөдө жүрүп, кармалганы боюнча протокол түзүлгөн. Андан соң сотко алып барылып, соттун чечими менен 2 айга камакка алынган. Учурда биз ага юридикалык жардам көрсөтүүнүн үстүндө иштеп жатабыз. Жакынкы аралыкта камактан чыгаруу боюнча эл аралык уюмдарга да кайрылабыз", - деди Хамроев.

Хусниддин Зайнобиддинов Жалал-Абад облусунун 29 жаштагы тургуну. Айрым маалыматтарга караганда, ага Кыргыз өлкөсүнүн укук коргоо органдары тарабынан 2010-жылы Июнь окуясын уюштурууга тиешеси бар деп издөө жарыяланган.

Автор: Жамалидин Парманкулов

16:57 25-01-2019

Жазылуу

РУБРИКАДАГЫ СОҢКУ КАБАРЛАР

11:53 2025-07-17 | Коом жана турмуш

Жалал-Абадда жаңыдан асфальт төшөлгөн Курорт көчөсү пайдаланууга берилди 58 0

11:48 2025-07-17 | Коом жана турмуш

Таң атпай туруп жүгүрдү... Оштун мэрине өзгөчө ырлар айтылды (видео) 177 0

11:35 2025-07-17 | Түркүн дүйнө

6 жашар бала жаңы төрөлгөн ымыркайды колунан түшүрүп алды 224 0

11:18 2025-07-17 | Коом жана турмуш

Транспорт министри Аксыда курулуп жаткан асфальт заводго барды 250 0

11:17 2025-07-17 | Коом жана турмуш

Театралдык көрүнүш... Ошто Орусиядан окуган жаш актёрлорго убадаланган батирлер берилди (видео) 282 0

10:58 2025-07-17 | Коом жана турмуш

"Күлүксүз". Белгилүү актриса Оштун мэрине ашыктыгын билдирди (видео) 1321 0

Архив

Комментарийлер (6)

Ka2sr1

2019-01-25 17:31:14

Негизи Оруссияга барганда ошол жактын мыйзамын сактаса эч нерсе деле болбойт. Кээ бир биздин жарандар ошол жака барып алышып ар кайсы диний агымдарга кирип алышып даават айтып журушот. Бул жакшы эмес.

ady-88

2019-01-25 17:37:18

Эми кыргыз олкосуно откорулуп бкрилгени жатыптыр

Omush94

2019-01-25 18:12:53

Ушу туугандардыкы өттү да

Take_men

2019-01-25 19:52:46

Россияда мечитке көп барып даабатка көп чыккандарды ФСБ камалып кетесиңер андан көрө тынч чыгып кеткиле деп чыгарып атат айрыкча сакал койуп жүргөндөрдү

Gulnyr19

2019-01-25 20:16:15

Ушу туугандар тойгозушту да кайсыл жерде болбосун

atanazarov10

2019-01-25 21:27:38

2010-жылы оюштурган болсо издоодо жургон болсон бул кылмышкер жазасын бериш керек...

Комментарий калтыруу үчүн өз ысымыңыз менен кириңиз же каттоодон өтүңүз.